மலேசியா ஒப்பந்தம் 1963 இன் கீழ் சரவாக் மாநிலத்தின் உரிமைகள் சம்பந்தப்பட்ட சான்றாதாரங்களைத் தேடிக் கண்டுபிடித்து ஆய்வு மேற்கொள்வதற்கு சரவாக் வழக்குரைஞர்கள் அடங்கிய குழு ஒன்றை லண்டனுக்கு அனுப்புகிறது.
நேற்றிரவு, சிபுவில் பார்டி பெசாகா பூமிபுத்ரா பெர்சத்து (பிபிபி) ஏற்பாட்டில் நடைபெற்ற ஒரு நிகழ்ச்சியில் மாநில முதலமைச்சர் அபாங் ஜொஹாரி ஒபெங் இதனைத் தெரிவித்தார்.
ஆனால், இக்குழு லண்டனுக்கு எப்போது செல்லும் என்பதையோ அங்கு எவ்வளவு காலத்திற்கு தங்கியிருக்கும் என்பதயோ அவர் வெளியிடவில்லை.
அவர் அளித்த தகவலின்படி, இக்குழு சட்டம், பெடரல் மாநில உறவுகள் மற்றும் திட்டங்கள் கண்காணிப்பு ஆகியவற்றுக்கான துணை அமைச்சர் ஷாரிபா ஹாசிடா சாயிட் அமான் கஸாலி தலைமையில் செயல்படும்.
“இது உண்மையிலேயே, மலேசியா ஒப்பந்தத்தில் நமக்கு அளிக்கப்பட்டிருக்கும் உரிமைகளை மீண்டும் பெறுவதற்கு தோக் நான் (முன்னாள் முதலமைச்சர்) மேற்கொண்ட முயற்சிகளை தொடர்வதாகும்.
“அதற்காகத்தான் நாம் ஷாரிபா ஹசிடாவையும் சட்டக் குழுவையும் லண்டனுக்கு அனுப்பி சான்றாதாரங்களை பெறப் போகிறோம்”, என்று அபாங் ஜொஹாரி மேலும் கூறினார்.
ஏன் லண்டனுக்கு போக வேண்டும்?
இவன்களிடம் ஒரு நகல் இருக்க வேண்டுமே? என்னடா கதை இது? உன்னுடைய நகல் என்ன ஆனது?
சரவாக் காரன்களுக்கு மானம் ரோசம் இருந்தா ஏன் இந்த நிலமை புருனைக்காரன் எப்படி செல்வசெழிப்பா வாழ்கிறான். இவனுங்க அம்னோவுக்கு அடிமையாக இருக்கிறானுங்க..
ஐயா seerian andy அவர்களே– நான் சரவாக்கில் இருக்கும் போது 1963 ல் மலேசியாவில் இணைய நடத்தப்பட்ட வாக்கெடுப்பில் எவ்வளவு தில்லு முள்ளு நடந்தது என்று ஒரு விவரம் அறிந்த இபான் கூறினார். வாக்கெடுப்பு பெட்டிகள் காணாமல் போனதும் மற்றும் பல தில்லு முள்ளும் நடந்ததாம். இல்லாவிடில் அவர்கள் இணைந்திருக்க மாட்டார்களாம். ஆனாலும் தற்போதைய நிலை — அவர்களை பூமி புத்ரா என்று கூறி சில எலும்பு துண்டுகளை போட்டு சீனர்களையும் இந்தியர்களையும் எதிரிகளாக அரங்கேற்றி விட்டனர். தேர்தலின் போது இந்தியாவில் என்ன நடக்குமோ அதுதான் அங்கு நடக்கும்- பணமும் – துஆக்கும் விளையாடும். அங்குள்ள மலாய்க்காரர்கள் குறைவு –ஆனாலும் அவர்களுக்கு பெரும்பாலான வேலைகள் கொடுக்கப்படுகின்றன. உள்ளுக்குள் பொருமிக்கொள்ளும் பல சரவாகியர்களை எனக்கு தெரியும்.