பிரதமர் நஜிப் அப்துல் ரசாக்கின் பத்திரிகைச் செயலாளர் அடுத்த பொதுத் தேர்தலில் டிஏபி போட்டியிடுவதைத் தடுக்க திட்டமிடப்படுவதைத் தன்னை அறியாமலேயே உறுதிப்படுத்தி இருப்பதாக அக்கட்சியின் எம்பி ஒருவர் கூறுகிறார்.
அடுத்த பொதுத் தேர்தலில் டிஏபி அதன் சின்னத்தைப் பயன்படுத்திப் போட்டியிட முடியுமா என்று தெங்கு சரிஃபுடின் தெங்கு அஹ்மட் கேள்வி எழுப்பியிருப்பதை குளுவாங் எம்பி லியு சின் தொங் சுட்டிக்காட்டினார்.
“தெங்கு சரிஃபுடின் அவ்வாறு வினவியது நஜிப்பின் உள்வட்டத்தில் தேர்தலுக்கு முன்னதாக டிஏபிக்குத் தடை விதிக்கத் திட்டமிடப்படுவதை உறுதிப்படுத்துகிறது”, என லியு இன்று ஓர் அறிக்கையில் கூறினார்.
2012-இல் கட்சித் தேர்தலில் முறைகேடுகள் நிகழ்ந்திருப்பதாக சர்ச்சை கிளம்பி டிஏபிக்குப் பெரும் நெருக்கடியை உண்டாக்கியது.
அதன் காரணமாக 13வது பொத் தேர்தலில் அக்கட்சி அதன் சின்னத்தில் போட்டியிட முடியாமல் தடுக்கப்படும் சாத்தியம்கூட இருந்தது. ஆனால், சங்கப் பதிவகம் கட்சிக்குத் தடை விதிக்கவில்லை.
டிஏபி 2013-இல் கட்சியில் மறு தேர்தலை நடத்தியது. ஆனால், 2014வரை சங்கப் பதிவகம் (ஆர்ஓஎஸ்) டிஏபியின் மத்திய செயல்குழுவையை அங்கீகரிக்கவில்லை.
ஆர்ஓஎஸ் “கொடூரமாகவும் ஜனநாயகத்துக்கு முரணான வகையிலும்” டிஏபி-யை ஒழித்துக்கட்டும் நோக்கத்துடன் உள்ளது என லியு கூறினார்.
60 ஆண்டுகள் சொர்க்கத்தை அனுபவித்த ஈனங்கள் இப்போது எப்படி விட்டு கொடுப்பான்கள்? நியாயமானவர்கள் என்றால் சிறிது நியாயம் புரியும் — 60 ஆண்டுகள் தில்லு முள்ளில் ஆண்ட நாதாரிகள் — எப்படியாவது ஆட்சியை தங்க வைத்துக்கொள்வார். இதுதான் 3 ம் உலகம்.
2012ல் DAP கட்சியின் தேசியத் தேர்தலில் முறைகேடுகள் நடந்துள்ளன என ROS நடவடிக்கை எடுக்க ஆரம்பித்தது. இதனால் 2013 பொதுத்தேர்தலில் எங்கே DAP தனது ராக்கெட் சின்னத்தை பயன்படுத்த முடியாமல் போய்விடுமோ என்கிற பயத்தால், அன்றைய தலைவர் கர்பால் சிங் அனைத்து வேட்பாளர்களையும் பாஸ் சின்னத்தில் போட்டியிடுமாறு, கடிதங்களை அனுப்பி விட்டார் . இதை அறிந்த ROS, DAP மீது எவ்வித நடவடிக்கையும் எடுக்காததால், DAP அதன் ராக்கெட் சின்னத்திலேயே போட்டியிட்டது . ஆகவே இப்போதும் பயப்படுவதற்கு ஒன்றும் இல்லை. வரும் தேர்தலில் இருக்கவே இருக்கிறது மற்ற தோழமை கட்சிகளின் சின்னம் . PKR, Amanah , Bersatu, என்று அடுக்கிக் கொண்டே போகலாம். (வர வர DAP யில் அறிவுள்ள கருத்துக்களை கூறுபவர்கள் குறைந்து கொண்டே போகிறார்கள்).
ROS அம்னோ கையால்- அப்படி இருக்கையில் நீதி நியாயம் சட்டம் ஒன்றும் கடை பிடிக்க மாட்டாது– நீதி துறையே நம்பிக்கை நாயகனின் கையில் ஆட்டம் போடு கிறது. ROS நம்பிக்கை நாயகனின் அடியாள். என்ன எதிர் பார்க்க முடியும்? எல்லாவற்றிற்கும் தயாராக இருக்க வேண்டும். முடியுமா?
ஒரு புதிய அரசாங்கத்தை அமைக்க இப்போதுள்ள அரசாங்கம் அப்படியெல்லாம் யாருக்கும் விட்டுக் கொடுத்துவிடாது! இது இல்லேனா அது! அது இல்லேனா இது! அவசரகாலம் இருக்கவே இருக்கு! அட, அது போச்சுன்னா மதக் கலவரம் இருக்கு! இனக்கலவரம் இருக்கு! அனுபவிச்சவன் அப்படியெல்லாம் விட்டுவிட்டு ஒடமாட்டான்!
அடுத்த பொதுத் தேர்தலில் டிஏபி அதன் சின்னத்தைப் பயன்படுத்திப் போட்டியிட முடியுமா என்று தெங்கு சரிஃபுடின் தெங்கு அஹ்மட் கேள்விக்கு வேறு காரணங்களும் இருக்கலாம். உதாரணத்திற்கு மாகாதீர் கட்சியை உள்ளடக்கிய புதிய எதிர்க்கட்சி கூட்டணி அடுத்த தேர்தலில் ஒரு பொது சின்னத்தை பயன்படுத்தும் தேர்தல் யுக்தியை அறிந்து, அதனை கோடிக்காட்டும் விதமாகக்கூட அவர் அந்த அறிக்கையை விட்டிருக்கலாம். ஆனால் டி ஏ பி காரன் சொந்த நிழலைக் கண்டு அஞ்சுகிறான் அல்லது வேறு எதையோ மறைக்க நாடகமாடுகிறான் என்பதனை நாம் உணர வேண்டும். கட்சி தேர்தலில் முறை கேடு என்பது குறித்து பெரிய அளவில் புகார்கள் ஏதுமில்லை, இருப்பினும் ஒரு குற்றத்தை புரிந்தவர்கள் இப்படி நடக்கலாம் என்று ஊர்தஜி அடிப்படையில் தயங்குவது இயல்பு. இருப்பினம் அவர்களின் தயக்கம் இரண்டு விசயங்களை அப்பலப் படுத்துகிறது. ஒன்று- அந்த கட்சியின் தேர்தலில் பெரிய அளவில் மோசடி நடந்துள்ளது, அல்லது, அந்த கட்சி தடைசெய்யப்படும் அளவுக்கு, வேறு ஒரு சட்ட விரோத நடவடிக்கையில் ஈடுபட்டுள்ளதை அரசாங்கம் அறிந்துள்ளது. அதனைக் அரசாங்கம் அம்பலப் படுத்திவிடும் என்று தயங்கி முன்கூட்டியே லிம் கிட் சியாங் அமைக்கும் வியூகமாக கூட இது இருக்கலாம் – அது பினாங்கு மாநிலத்தின் நில ஊழலாகலாம், அல்லது அவர் குடும்பச் சொத்து விவகாரங்களாகக் கூட இருக்கலாம்.
‘புலி’ கூட விபரமறிந்திருக்கிறதே!