நாட்டில் சைபர் பாதுகாப்புக்கு ஏற்படும் மருட்டல்களைக் கண்காணிக்கும் பொறுப்பை அரசாங்கம் ஏற்கனவே தேசிய பாதுகாப்பு மன்ற(என்எஸ்சி)த்திடம் ஒப்படைத்திருப்பதாக தொடர்பு, பால்லூடக அமைச்சர் முகம்மட் சாலே சைட் கெருவாக் கூறினார்.
Ransomware Wannacry போன்ற சைபர் அச்சுருத்தல்கள் நாட்டின் பாதுகாப்புடன் நெருக்கமாக தொடர்பு கொண்டவை என்பதால் அதைக் கண்காணிக்கும் பொறுப்பு பல்வேறு அமைச்சுகளின் பிரதிநிதிகளைக் கொண்டுள்ள எனஎஸ்சி-இடம் ஒப்படைக்கப்பட்டிருக்கிறது என்றாரவர்.
“அது (ரேன்சம்வேர் வன்னாகிரை தாக்கம்) குறித்து என்எஸ்சி ஏற்கனவே அறிக்கை வெளியிட்டுள்ளது. மலேசியாவில் தாக்குதல் நிகழ்ந்ததாக தகவல் இல்லை. ஆனாலும் அப்படிப்பட்ட மருட்டல்கள் குறித்து அரசாங்கம் எச்சரிக்கையாகவே உள்ளது”.
இப்படிப்பட்ட தாக்குதல்கள் நடக்கும் சாத்தியம் எப்போதுமே உள்ளதால் அதிநவீன தொழில்நுட்பத்தைக் கொண்டிருப்பது அவசியம் என்று குறிப்பிட்ட சாலே, அப்போதுதான் அத்தாக்குதல்களை முறியடிக்க முடியும் என்றார்.
