சங்கப் பதிவகம் தன் பதிவை இரத்துச் செய்யக்கூடும் என்று ஊகத்துக்குக் காரணம் தானல்ல என்று மறுக்கும் டிஏபி, பிரதமரின் செயலாளர் தெங்கு ஸரிஃபுடின் தெங்கு அஹமட்தான் முதன்முதலில் அப்படியொரு ஊகத்தை வெளியிட்டார் என்று கூறுகிறது.
டிஏபி குளுவாங் எம்பி லியு சின் தொங்கின் கட்டுரை ஒன்றுக்கு ஸரிஃபுடின் எதிர்வினை ஆற்றியபோது அப்படியொரு ஊகத்தை வெளியிட்டார் என டிஏபி தலைமைச் செயலாளர் லிம் குவான் எங் கூறினார்.
“உள்துறை அமைச்சர் அல்லது ஆர்ஓஎஸ் -ஸின் அதிகாரம் தன் கையில் இருப்பதாக நினைத்துக்கொள்ள வேண்டாம் என்று பிரதமரின் பத்திரிகைச் செயலாளருக்கு யாராவது அறிவுரை கூற வேண்டும்”, என பினாங்கு முதலமைச்சருமான லிம் இன்று செய்தியாளர் கூட்டமொன்றில் கூறினார்.
14வது பொதுத் தேர்தலில் தன் எதிரிகள் நேர்மையான முறையில் போட்டியிட்டு தன்னை வெல்வதையே டிஏபி விரும்புகிறது என்று லிம் கூறினார்.
டிஏபியைப் பொருத்தவரை அது நேர்மையான முறையில்தான் தேர்தலைச் சந்திக்க விரும்புகிறது என்று கூறிய லிம், அதன் எதிரிகளும் அவ்வாறே நடந்துகொள்ள வேண்டும் என்று வலியுறுத்தினார்.
