புதிய ‘கிரேட் யுடி41’ ஒப்பந்த மருத்துவ அதிகாரிகள் அனைவரும் எஸ்.பி.எம். மலாய் மொழியில், குறைந்தபட்ச ‘தேர்ச்சி’யைப் பெற்றிருக்க வேண்டும் என சுகாதார அமைச்சு முடிவு செய்துள்ளது.
ஒப்பந்த மருத்துவ அதிகாரிகளின் நியமனங்களை ஒரே தரநிலையாக்க இம்முடிவு எடுக்கப்பட்டதாக சுகாதார அமைச்சர் டாக்டர் எஸ்.சுப்ரமணியம் தெரிவித்தார்.
எஸ்.பி.எம். தேர்வில் மற்றப் பாடங்களை எடுக்காமல், மலாய்ப் பாடத்திற்கான தேர்வை மட்டும் மருத்துவப் பட்டதாரிகள் எழுதுவதற்கு வகை செய்ய கல்வி அமைச்சு சுகாதார அமைச்சுக்கு உதவுமென அவர் தெரிவித்தார்.
மருத்துவப் பட்டதாரிகளின் எண்ணிக்கை அதிகமாக இருந்ததால், 2016-ல் இந்த ஒப்பந்த நியமனம் அறிமுகமானது. அக்காலக்கட்டத்தில், எஸ்.பி.எம். மலாய் மொழி தேர்வில் குறைந்தபட்ச தேர்ச்சிகூட பெறாத மலேசிய மருத்துவப் பட்டதாரிகள் ஒரு சிறு எண்ணிக்கையிலேயே இருந்தனர்.
“இவர்கள் தங்கள் பெற்றோருடன் வெளிநாடு சென்ற அரசாங்க அதிகாரிகளின் பிள்ளைகள் ஆவர். வெளிநாட்டிலேயே மருத்துவக் கல்வி கற்ற இவர்கள், எஸ்.பி.எம். மலாய் தேர்வில் அமராதவர்கள்,” என அவர் கூறினார்.
2016-லிருந்து நியமனம் பெற்ற 4,500 ஒப்பந்தங்களில், 23 மருத்துவப் பட்டதாரிகள் மட்டுமே இப்பிரச்சனையை எதிர்நோக்கி உள்ளதாகவும் அவர் மேலும் தெரிவித்தார்.
கடந்த ஞாயிற்றுக்கிழமை, ஒப்பந்த முறையிலான, ‘யுடி41 கிரேட்’ மருத்துவ அதிகாரிகளுக்கு, மலாய் மொழி தேர்ச்சியில் தளர்வு கொடுக்க, பொதுச் சேவை இலாகா அனுமதி அளித்துள்ளது என சுகாதார தலைமை இயக்குநர் டாக்டர் நூர் ஹிசாம் அப்துல்லா கூறியிருந்தார்.
இது குறித்து, சுகாதார மற்றும் பொதுச் சேவை துறை அமைச்சர்கள் இருவரும் புதன்கிழமை அமைச்சரவையில் விளக்கமளிக்க வேண்டும் என துணைப் பிரதமர் டாக்டர் அஹ்மாட் ஷாஹிட் ஹமிடி கடந்த திங்கட்கிழமை பணித்திருந்தார். இதற்கு முன் அமைச்சரவையில் இதுகுறித்து ஏதும் விவாதிக்கப்பட்டதில்லை என்றும் துணைப் பிரதமர் கூறினார்.
மானியம், என்ன ஐயா இது ?
ஒன்னுமே புரியலே
அரசாங்க மருத்துவமனைக்கு சென்று அங்கு உள்ள மலாய் மருத்துவரிடம் பரிசோதனையின்போது ஆங்கிலத்தில் பேசினால் , மலாய்மொழியில் பதில் கூறுவதுடன் , மலாய்மொழியிலையே நம்மை பேசும்படி ஆவணசெய்யும் ஆங்கில புலமை இல்லாத மருத்துவராக பணியில் அமர்த்திருக்கும் இந்த படிக்கதெரியாத இனத்திற்கு இந்த மலாய்மொழி தேர்ச்சி அவசியம் என்ற அறிக்கை லஞ்சம் பெற்று வாழ்க்கையை நடத்தும் சோம்பேறிகளுக்கு ஒரு வரப்பிரசாதமாகும் . பல ஏழ்மை நாட்டில் படிப்பதற்கு , வாழ்வதற்கு , முன்னேறுவதற்கு , தன்னை உலகளவில் முன்னேன்றிக்கொள்வதற்கு உலகமொழியான ஆங்கிலத்தை கற்று மேன்மைப்படுத்திக்கொள்ளும் பொது இந்த நாட்டில் உள்ள இந்த இனம் அதனை மறைப்பது , மறுக்கப்படுவது , புறக்கணிப்பது தன்னை அறிவுயில்லாத இனமாக பிரகடனம் செய்துகொள்வதில் மகிழ்ச்சி . அதேவேளையில் நாம் நம் தேசியமொழியான மலாய்மொழியினையும் அத்துனுடன் சேர்ந்து உலகமொழியான ஆங்கிலத்தையும் , நம் தாய்மொழியான தமிழ்மொழியினையும் எந்நாளும் நன்கு கற்று வளர்ப்போம் , அதனை மேம்படுத்துவோம் . நன்று .