நடப்பு அரசாங்கத்தை மக்கள் வெறுக்க வேண்டும் என்பதற்காகவே பிரதமர் நஜிப் அப்துல் ரசாக்மீது ஆதாரமற்ற குற்றச்சாட்டுகளை அள்ளி வீசுகிறார் பார்டி பிரிபூமி பெர்சத்து மலேசியா (பெர்சத்து) நிர்வாகத் தலைவர் டாக்டர் மகாதிர் முகம்மட்.
அதை ஒரு வெட்கக்கேடான செயல் என்று சாடிய அம்னோ இளைஞர் உதவித் தலைவர் கைருல் அஸ்வான் ஹருன், அதுவும் மலேசியாவின் முன்னணி அரசியல்மேதை என்று போற்றப்படும் ஒரு முன்னாள் பிரதமர் அப்படிச் செய்வது அழகல்ல என்றார்.
“மகாதிர் 13வது பொதுத் தேர்தலில் சட்டப்பூர்வமாகவும் ஜனநாயக முறைப்படியும் தேர்ந்தெடுக்கப்பட்ட பிரதமரைச் சிறுமைப்படுத்தும் முயற்சியில் ஈடுபட்டிருக்கிறார்.
“டத்தோஸ்ரீ நஜிப் அப்துல் ரசாக்கைச் சிறுமைப்படுத்த முயலும் மகாதிரின் செயல்கள் அவர் அரசியல்மேதை என்று அழைக்கப்படுவதற்குத் தகுதியற்றவர் என்பதை நிரூபிக்கின்றன”, என்றாரவர்.
மகாதிர் தம் காலம் முடிந்து விட்டதை உணர்ந்து வாயைப் பொத்திக்கொண்டு இருக்க வேண்டும் என்பதே அம்னோ இளைஞர்களின் விருப்பமாகும் என கைருல் அஸ்வான் கூறினார்.
இதற்காகவே உங்களை நான் அரசியல் மேதை என்று ஏற்றுக்கொள்ளுகிறேன்