பிரதமர்      நஜிப்     அப்துல்    ரசாக்,    தேசிய   விமான   நிறுவனம்   எதிர்நோக்கும்   பல    தொல்லைகளுக்கும்   தமக்கு  முன்  இருந்த  ஒருவரின்    “விபரீத    முடிவுகள்தாம்”  காரணம்   என்று   குற்றஞ்சாட்டினார்.

செப்பாங்கில்   நடைபெற்ற   மலேசிய   விமான நிறுவனத்தின்   ஹரி   ராயா   கொண்டாட்டத்தில்     உரையாற்றிய   பிரதமர்    அந்த   விமான     நிறுவனம்   பல  “சிரமமான   காலக்கட்டங்களை”க்   கடந்து   வந்திருப்பதாகக்   கூறினார்.

“எம்ஏஎஸ்ஸின்  வரலாறு     நெடுகிலும்   விபரீத   முடிவுகள்     நிறைந்திருக்கின்றன   என்பேன்.

“அதையெல்லாம்   நினைவுகூறப்போவதில்லை.  எம்ஏஎஸ்   தொல்லைகள்   எல்லாம்  எனக்கு   முன்  இருந்த   ஒருவரின்  கைங்கரியம்.

“ஆனால்,  அதைச்   சரிசெய்வேன்.  ஏம்ஏஎஸ்   மீண்டெழுந்து   உலகின்     தலையாய   விமான   நிறுவனமாக    விளங்குவதை    உறுதிப்படுத்துவேன்”,   என்று   நஜிப்    கூறக்  கூட்டத்தினர்   உற்சாகமாக    கைதட்டி   மகிழ்ச்சியை   வெளிப்படுத்தினர்.