அடுத்த பொதுத் தேர்தலில் லங்காவி நாடாளுமன்ற தொகுதியில் போட்டியிட வருமாறு தற்காப்பு அமைச்சரும் அம்னோ உதவித் தலைவருமான ஹிசாமுடின் ஹுசேனுக்கு முன்னாள் பிரதமர் மகாதிர் சவால் விட்டுள்ளார்.
தற்போது பிரதமர் நஜிப்பின் நாடாளுமன்ற தொகுதியாக இருக்கும் பெக்கானில் போட்டியிட வருமாறு ஹிசாம் விடுத்திருந்த சவாலுக்கு எதிர்வினையாற்றிய மகாதிர் இவ்வாறு கூறினார்.
இன்று பின்னேரத்தில், நாடாளுமன்றத்தில் செய்தியாளர்களிடம் பேசிய மகாதிர், பெக்கான் பேய்கள் இருக்கும் தொகுதி; அது தேர்தல் தொகுதியல்ல என்றாரவர்.
அந்தத் தொகுதியில் வாக்காளர்கள் மாறிக்கொண்டே இருக்கிறார்கள், அதாவது ஆவி வாக்காளர்கள் இருக்கிறார்கள் என்று குறிப்பிட்டார்.
பெக்கான் ஒரு விசித்திரமான தொகுதி. ஒரு சமயத்தில், அவருடைய வாக்காளர்கள் 15,000 பேர்…அடுத்தத் தேர்தலின் போது, அவரது வாக்காளர்களின் எண்ணிக்கை 80,000 க்கு உயர்ந்தது. எங்கிருந்து வந்தார்கள் என்பது தெரியவில்லை என்று மகாதிர் மேலும் கூறினார்.
கடந்த வாரம், தாம் பெக்கானில் போட்டியிடும் சாத்தியம் பற்றி மகாதிர் குறிப்பிட்டிருந்தார்.
மகாதிர் அங்கு போட்டியிட வந்தால், நஜிப்பை அத்தொகுதியில் தற்காக்க ஒட்டுமொத்த பிஎன் தலைமைத்துவமும் அத்தொகுதியில் களமிறங்கும் என்று ஹிசாமுடின் கூறினார்.
1999 ம் ஆண்டு பொதுத்தேர்தலில் வெறும் 240 வாக்குகளில் பெக்கான் தொகுதியில் வெற்றி பெற்றார் அல்தான்துயா நஜிப். அப்போது தற்காப்பு அமைச்சராக இருந்த நஜிப், தனது தொகுதிக்கு 15,000 போர் வீரர்களின் வாக்குகளை பெக்கான் தொகுதியில் திணித்து, 2004ம் ஆண்டு பொதுத்தேர்தலில் 23,000 வாக்குகள் வித்தியாசத்தில் வென்றார். இந்த சதியில், மகாதிமிருக்கும் பங்குண்டு. பெக்கான் தொகுதியில் புலாவ் மானீஸ் என்கிற சட்டமன்ற தொகுதி உண்டு. இதன் சட்டமன்ற உறுப்பினர், நஜிப்பின் அந்தரங்க செயலாளர் டத்தோ அரிப் சபரி என்பவர். நஜிப்பும், லிம் கிட் சியாங்கும் கூட்டுக களவாணிகள் என அடிக்கடி நான் சொல்வதுண்டு. DAP யில் தன்னலம் கருதாத நிறைய போராட்டவாதிகள் உள்ளனர். பகாங் மாநிலத்தில் அத்தகைய போராட்ட வாதிகள், அபு பாக்கர் லெபாய் சுடின்(மாநில ஆலோசகர்.), Chegu கோ பூண் ஹேங்(மாநில உதவித் தலைவர்). அப்பலசாமி@ சிம்மாதிரி(மாநில துணைத் தலைவர்) இவர்களனைவருக்கும் 2013ம் ஆண்டு பொதுத்தேர்தலில் சீட் இல்லை. ஆனால், அதே மாநிலத்தில் ரவுப் பார்லிமென்ட் தொகுதியில், இந்த அம்னோக்காரரும், நஜிப்பின் அந்தரங்க செயலாளருமான டத்தோ அரிப் சபரிக்கு சீட்டு கொடுத்து ஜெயிக்க வைத்தார், இந்த சீன அரசியல் வியாபாரி, லிம் கிட் சியாங்.
(Cont.) பகாங் மாநிலத்தின் ரவுப் தொகுதியில், DAP சின்னத்தில் போட்டியிட்டவர் இந்த அம்னோக்காரரான டத்தோ அரிப் சபரி.
“வண்டியும் ஒருநாள் ஓடத்திலேறும்; ஓடமுமொருநாள் வண்டியிலேறும், ஏட்டுச் சுரைக்காயெல்லாம் மூட்டைக் கட்டியாகணும்” – இது மிகப் பழமையான இனிமையான தமிழ்ப் பாடல். பொதுத் தேர்தல் நெருங்கி வரும் இவ்வேளையில் இப்போது அரசியலில் ஒவ்வொரு நாளும் அரங்கேறிவரும் அசிங்கங்களைப் பார்க்கும் போது, நமக்கெல்லாம் நன்கு அறிமுகமான இந்த இனிமையான பழையத் தமிழ்ப் பாடல்தான் ஞாபகத்திற்கு வருகின்றது. ஒரு சர்வாதிகாரிப் போல் அன்று பிரதமராகயிருந்தப் போது யாரும் கேள்விக் கேட்பாரின்றிச் செயல்பட்ட மகாதீர் அவர்களின் வண்டி மற்ற ஓடங்களில் மிகக் கம்பீரமாக ஏறிப் போனதும், இன்று அதே வண்டியில் மற்ற ஓடங்கள் அவர்த் தலைமேல் உட்கார்ந்துக் கொண்டு பிரயாணங்கள் செய்வதையும் பார்க்கின்றோம். இனிமேலாவது ஆட்சி அதிகாரத்திலுள்ளவர்களுக்கும் குறிப்பாக தலைக் கணம் பிடித்த நம் தலைவர்களுக்கும் இதுவொரு நல்லப் பாடமாக அமையட்டும்!.
தேர்தலில் ஜெயிப்பதற்கு செய்யப்படும் இதெல்லாம் சதியில் சேராது ! இதெல்லாம் அரசியலில் சகஜமப்பா !! ஒரு பிரதமர் தனது தொகுதியில் தோக்கிறார் என்றால் அவருக்கு அரசியல் தெரியவில்லை என்றே அர்த்தம் !! அவனவன் தனது தொகுதி மக்களுக்கும் , நாட்டு மக்களுக்கும் இன மத பேதம் இன்றி சேவை செய்வதுதான் முக்கியம் !!
மகாதிர் போட்டியிட வந்தால் ஒட்டுமொத்த பிஎன் தலைமைத்துவமும் பெக்கானில் களமிறங்கும் என்று ஹிசாமுடின் கூறுவதை பார்த்தால் நஜிப் தனது சொந்த தொகுதியில் செல்வாக்கை இழந்து விட்டார் என்பதை நஜிப்பின் உறவினர் ஹிசாமுடினே ஒப்பு கொள்கிறார்.
ஓகே ஓகே அதுவும் உண்மைதானே.