மலேசிய ஊழல்தடுப்பு ஆணையம் (எம்ஏசிசி), சட்டவிரோதமாக பாக்சைட் எடுப்போருக்குத் தகவல் அளித்தார் என்று குற்றஞ்சாட்டி பகாங் நில, சுரங்க அலுவலகத்தின் பணியாளர் ஒருவரை இன்று தடுத்து வைத்தது.
எம்ஏசிசி அதன் அலுவலகத்தில் வைத்து அந்த 33-வயது ஆடவரைக் கைது செய்தது.
“சட்டவிரோத பாக்சைட் எடுப்போருக்கு புக்கிட் கோ-வில் நடைபெறும் நடவடிக்கை குறித்து தகவல் சொல்ல அவர் இவ்வாண்டு மார்சுக்கும் ஜூலைக்குமிடையில் ரிம250-இலிருந்து ரிம500வரை கையூட்டு பெற்றிருப்பதாகத் தெரிகிறது”, என அதன் அறிக்கை தெரிவித்தது.
அவருடன் சேர்த்து சட்டவிரோத பாக்சைட் எடுக்கும் நடவடிக்கை தொடர்பில் எம்ஏசிசி இதுவரை விசாரணைக்காக தடுத்து வைத்துள்ளவர் எண்ணிக்கை 11 ஆகிறது. அவர்களில் சுங்கத்துறை உயர் அதிகாரியும் ஒருவர்.
