அரசாங்க     அதிகாரிகள்   வரவுக்கு  மீறிய   வாழ்க்கை   வாழ்வதைக்   காணும்   பொதுமக்கள்   அது   குறித்து  உடனடியாக     புகார்   செய்ய    வேண்டுமென்று  மலேசிய     ஊழல்    தடுப்பு      ஆணையம் (எம்ஏசிசி),   வலியுறுத்தியது.

“அவர்கள்   வருமானத்தை  மீறிய   ஆடம்பர    வாழ்க்கை    வாழ்வது   எப்படி   என்பதை  எம்ஏசிசி   முடிவு  செய்யும்.  அவர்களின்  சொத்துகள்   சட்டப்பூர்வமாக  பெறப்பட்டவைதானா   என்பதை   அது   கண்டறியும்”,  என  எம்ஏசிசி   துணைத்   தலைமை   ஆணையர் (நடவடிக்கை)  முகம்மட்  அசாம்  பக்கார்  கூறினார்.

அசாம்,  பெர்னாமா   தொலைக்காட்சியின்      ‘Ruang Bicara’   நிகழ்ச்சியில்  கலந்துகொண்டு   பேசினார்.

எம்ஏசிசி  சும்மா   இல்லை    என்றும்   அது   உயர்   அதிகாரிகளைக்  கண்காணிப்பதுடன்   அவர்களின்  சொத்துகள்   எப்படி   வந்தன  என்பதை  ஆராய்ந்து   கொண்டிருப்பதாகவும்   அசாம்   கூறினார்.