ஜொகூர் மாநில சட்டமன்ற உறுப்பினர் ஒருவர் விரைவில் பார்டி பிரிபூமி பெர்சத்து மலேசியாவுக்கு (பெர்சத்து) தாவப் போகிறார் என்று பெர்சத்து கூறிக்கொண்டது.

இந்த விவகாரம் குறித்து பேசுவதற்கு அந்த அம்னோ சட்டமன்ற உறுப்பினருடன் சந்திப்பு நடத்தியதாக, தொடர்பு கொண்ட போது பத்து பகாட் பெர்சத்து தலைவர் முகமட் ஸைட் முகமட் யூசோப் கூறினார்.

அவர் பெர்சத்துவில் சேர்வதில் ஆர்வம் கொண்டுள்ளதற்கான அறிகுறிகள் இருக்கின்றன. அவருடைய இடத்தை எடுத்துக்கொள்வதற்காக சிலர் கொடுக்கும் அழுத்தத்தை அவர் எதிர்கொண்டுள்ளார் என்று முகமட் ஸைட் மலேசியாகினியிடம் கூறினார்.

கட்சி தாவும் சாத்தியம் குறித்து கடந்த வாரம் பத்து பகாட், புக்கிட் பெர்டானாவில் பேசப்பட்டதாக அவர் கூறினார்.

ஆனால், அந்த அம்னோ சட்டமன்ற உறுப்பினர் இதைச் செய்வாரா என்பது தெளிவாகத் தெரியவில்லை.

மலேசியாகினி அவருடன் தொடர்பு கொண்டுள்ளது. அவர் இன்னும் பதில் அளிக்கவில்லை.