1985  மெமாலிச்  சம்பவத்தை   விசாரிக்க   அரச   விசாரணை    ஆணையம்    அமைக்கப்பட    வேண்டும்    என்று  பாஸ்   கோரிக்கை   விடுத்துள்ளது.

ஆர்சிஐ   அமைக்கப்பட்டால்    அது   அன்று   உண்மையில்   நடந்தது  என்ன   என்பதைக்   கண்டறியும்   பாஸ்   துணைத்  தலைவர்   துவான்   இப்ராகிம்  மான்   கூறினார்.

“உண்மைக்கு   முரணான   பல்வேறு   கூற்றுக்களையும்  பார்க்கையில்  மெமாலிச்  சம்பவம்  குறித்த   உண்மைகளை   வெளிக்கொணர     நியாயமான,  வெளிப்படையான  விசாரணை    தேவை   என   பாஸ்   விரும்புகிறது”,  என  துவான்  இப்ராகிம்   இன்று   ஓர்    அறிக்கையில்  கூறினார்.

ஆர்சிஐ   அமைக்கப்படுவது   அந்த   1985  துயரச்  சம்பவத்தின்   குற்றவாளிகளின்  பட்டியலிலிருந்து   பல   அப்பாவிகளின்   பெயர்களை    நீக்க   உதவியாக   இருக்கும்  என்றாரவர்.

32  ஆண்டுகளுக்கு  முன்பு  கெடா,  மெமாலியில்    நிகழ்ந்த    துயரச்   சம்பவத்தில்,   போலீசார்   பாஸ்   தலைவர்    இப்ராகிம் ‘லிபியா’  முகம்மட்டைக்  கைது    செய்ய  முயன்றபோது   கைகலப்பு  மூண்டு  14  கிராமவாசிகளும்  நான்கு   போலீசாரும்   கொல்லப்பட்டனர்.