பிரதமர்  நஜிப்  அப்துல்  ரசாக்கின்  நிர்வாகத்தில்    பல்வேறு   குறைகள்   நிலவுவதாகக்  கூறி    எதிரணி     என்னதான்   தாக்குதல்    தொடுத்தாலும்   பிஎன்   வலுவிழக்காது   என்கிறார்   குவாங்  மூசா   எம்பி   தெங்கு  ரசாலி   ஹம்சா.

அரசியலில்  இதெல்லாம்  சகஜம்தான்  என்று   கருதும்   மக்கள்   அவர்கள்   எழுப்பும்   விவகாரங்களை    நம்ப  மாட்டார்கள்   என்றாரவர்.

“எந்தவொரு  விவகாரமும்  மக்களிடம்   பிஎன்னுக்குள்ள   ஆதரவைக்  குறைத்து   விடாது   என்றுதான்   நினைக்கிறேன்…….மக்கள்   விவேகமிக்கவர்கள்  நல்ல  முடிவாகத்தான்   எடுப்பார்கள்”,  என்று  நேற்று   குவா  மூசாங்கில்    அவர்   கூறினார்.

குவா  மூசாங்   அம்னோ  தொகுதித்   தலைவருமான    தெங்கு   ரசாலி,  மக்கள்   விலைவாசி   உயர்வால்   பாதிக்கப்பட்டிருப்பது   உண்மைதான்    என்றாலும்   14வது  பொதுத்   தேர்தலில்   பிஎன்னை   நிராகரிக்க     அது   போதுமான    காரணமாக   இருக்காது    என்றார்.