மந்திரி  புசார்களும்   முதலமைச்சர்களும்    பள்ளிக்கூடங்களுக்கு   வருகை  மேற்கொள்ள    நினைத்தால்  முன்கூட்டியே  கல்வி   அமைச்சின்   அனுமதியைப்  பெற   வேண்டும்   என   பினாங்குக்   கல்வித்துறை   இயக்குனர்    ஷாரி  ஒஸ்மான்  இன்று   கூறினார்.

மாநிலத்   தலைவர்கள்   பள்ளிகளுக்கு   வருகை   புரிவதற்குமுன்   கல்வி   அமைச்சரின்   அனுமதியைப்  பெறுவதுதான்   வழக்கம்  என்றாரவர்.

“நாங்கள்  பள்ளிகளின்  நலனைக்  கவனிக்க    வேண்டியுள்ளது.   பொதுமக்களாக   இருந்தால்கூட    மாநிலக்  கல்வித்துறையின்   அனுமதியைப்  பெற   வேண்டும்.  அவர்கள்  சம்பந்தப்பட்ட  பள்ளியின்   பெற்றோர்-ஆசிரியர்  சங்க   உறுப்பினர்களாக   இருந்தால்  தேவையில்லை.  ஆனால்,  பள்ளிகள்   திறந்த  தினம்   கொண்டாடும்போது   அனுமதி  பெறாமல்    அவர்கள்   செல்லலாம்”,  என்று   ஜார்ஜ்டவுனில்    அவர்  கூறினார்.

புக்கிட்  மெர்தாஜாம்,   சுங்கை   லெம்புவில்   சீனப்   பள்ளி  ஒன்றுக்குள்  நுழைய  அனுமதிக்கப்படவில்லை    என்று    பினாங்கு   முதலமைச்சர்   லிம்   குவான்   கூறியிருப்பதற்கு    எதிர்வினையாற்றியபோது   ஷாரி   அவ்வாறு   கூறினார்.