மனித உரிமை அமைப்புகள், ஐநாவின் மனித உரிமை மன்றத்தில் இடம்பெற மலேசியாவுக்குத் தகுதியில்லை என்று கூறியுள்ளன.
2018- 2020 தவணைக்கு யுஎன்எச்ஆர்சி-இல் இடம்பெற மலேசியா போட்டியிடும் என அறிவிக்கப்பட்டிருப்பதை அடுத்து யுகே-இலிருந்து செயல்படும் Article 19உம் சுவாரா ரக்யாட் மலேசியா(சுவாராம்)வும் அதில் இடம்பெறுவதற்குமுன் மலேசியா பேச்சுரிமைக்கெதிரான அடக்குமுறையைக் கைவிட வேண்டும் என்று கேட்டுக்கொண்டன.
“மனித உரிமைகள் விவகாரத்தில் மலேசியா இதுவரை செய்துள்ள செயல்களால் அது ஐநா மனித உரிமை மன்றத்தில் உறுப்பியம் பெறும் தகுதியை முற்றிலும் இழப்பதாக Article19-உம் சுவாராமும் கருதுகின்றன”, என்று அவ்விரு அமைப்புகளும் ஓர் அறிக்கையில் கூறியுள்ளன.
மலேசியா பேச்சுரிமை, ஒன்றுகூடும் உரிமை, அமைதிப்பேரணி நடத்தும் உரிமை ஆகியவற்றுக்கு எதிராக மோசமாக நடந்து கொண்டிருப்பதாகவும் அந்த ஐநா அமைப்பில் இடம்பெற விரும்பினால் அது உடனடியாக சில சட்டச் சீரமைப்புகளை செய்தாக வேண்டும் அந்த அறிக்கை கூறிற்று.
யுஎன்எச்ஆர்சி என்பது ஐநா உறுப்பு நாடுகளால் அமைக்கப்பட்ட ஓர் அமைப்பு. உறுப்பு நாடுகளில் மனித உரிமைகளை மேம்படுத்தவும் பாதுகாக்கவும் அதன் பொறுப்பாகும்.
அந்த அமைப்பில் காலியாகவுள்ள நான்கு இடங்களுக்கு 2017 அக்டோபரில் தேர்தல் நடைபெறுகிறது. அந்த நான்கு இடங்களுக்கு ஆசிய- பசிபிக் மண்டலத்தில் மலேசியா உள்பட ஐந்து நாடுகள் போட்டியிடுகின்றன.
அரசியல் முதிர்ச்சியும், நாகரிகமும் அறியாத “அரைவேக்காடுகள்” ஆட்சி செய்தால் தகுதிக்கு எங்கே இடமிருக்கும் ? நரிக்கு நாட்டாமை பதவி கொடுத்து அரியணையில் குந்தவைத்ததால் வந்த வினையிது !
இனத்துவேச ஆட்சியின் எதிரொலி.
1. இந்தியாவிற்கும் மனித உரிமை ஆணையத்தில் மீண்டும் போட்டியிட கொஞ்சமும் தகுதியிருக்கின்றதா? இலங்கையில் அன்று நடந்தப் போரில் இந்தியாவின் நேரடி மற்றும் மறைமுக தலையீடுகள் இருந்ததை யாவராலும் மறுக்க முடியாது; அன்று இலங்கை அரசால் நடத்தப் பட்ட போர்க் குற்றங்கள், இனப் படுகொலைகளில் மத்திய அரசு ஆட்சியாளர்கள் தங்களுக்கும் இந்தப் போரில் நடந்தப் போர்க் குற்றங்களுக்கும் எதுவும் தெரியாதென்று வெளிப் படையாகச் சொல்லமுடியுமா? அன்று இப் போர் முடிந்தக் கையோடு ராஜபக்சே இந்தியாவிற்கு ஏன் நன்றித் தெரிவிக்க வேண்டும்? குறுகியக் காலத்தில் சுமார் 1½ லட்சம் பேருக்கு மேல் போரில் மடிந்தது எல்லோரும் அறிந்ததுதான்; நடந்ததென்ன இரண்டாவது உலகப் போரா இவ்வளவுப் பேர்கள் மடிவதற்கு? இதையும் இந்திய அரசு சும்மா வேடிக்கையாப் பார்த்துக் கொண்டிருந்தது! இதேப் போன்று பாலஸ்த்தீனிய விவகாரத்தில் இஸ்ரேலியர்கள் நடத்துகின்ற தாக்குதல்களுக்கு இஸ்ரேலியர்களை இந்தியா கண்டிக்க தவறவில்லையா? 2. அப்படியென்ன என்ன உதவிகள்தான் ஆன்மீக நாடான இந்தியா அன்று இலங்கைக்குச் செய்தார்கள்? ராஜபக்சே நன்றித் தெரிவிக்க வேண்டுமென்றால் அவர் சீனாவிற்கும், மேலும் ரசியாவிற்கும் நன்றித் தெரிவித்திருக்க வேண்டுமே! ஏனென்றால் இந்த இரு நாடுகளும் அன்று ஐ நா பாதுகாப்பு மன்றம் கொண்டு வந்த போர் நிறுத்த தீர்மானத்தை பாதுகாப்பு மன்றத்திலுள்ள மற்ற மூன்று நாடுகளும் ஆதரித்தாலும், சீனாவும் ரஷியாவும் எதிர்ப்புத் தெரிவித்தார்கள். காலம் காலமாய் இந்தியாவிற்கும் இலங்கைக்கும் உள்ள உறவுப் போல் அணிச் சேரா நாடுகளுக்கு முன்னோடியாக விளங்கிய இந்தியாவிற்கும் ரசியாவிற்கும் இன்னும் தொடர்ந்து நல்லுறவுகளுள்ளன. அன்று பாதுகாப்பு மன்றத்தில் ரசியா சுதந்திரமாகத்தான் முடிவெடுத்தார்களா? 3 . மனித உரிமைப் பற்றிப் பேச இந்திய ஆட்சியாளர்களுக்கு தகுதியுள்ளதா? இருந்தால் நன்று!
SEA GAMES-ல் சாதித்ததைப்போல், மலேசியா யுஎன்எச்ஆர்சி-இல் இடம்பெற தனது ” CASH IS KING ” என்ற ஆயுதத்தை பயன் படுத்தலாம்.