பிகேஆர் நடப்பில் தலைவர் அன்வார் இப்ராகிம், எதிர்க்கட்சிக் கூட்டணி மக்களின் பொருளாதாரப் பிரச்னைகளைக் களைவதில் கவனம் செலுத்த வேண்டும் என்று வலியுறுத்தியுள்ளார்.
வாழ்க்கைச் செலவு அதிகரிப்பு, எரிபொருள் விலை உயர்வு, ஜிஎஸ்டி போன்றவற்றால் மலேசியர்கள் அழுத்தத்தை எதிர்நோக்குவது குறித்து அன்வார் கவலை தெரிவித்தார்.
“அதன் விளைவாக, கடுமையாக உழைக்கும் சாதாரண மக்கள் சொல்லொண்ணா இன்னல்களை அனுபவிக்கிறார்கள்.
“எல்லாம் தெரிந்தும் அரசாங்கமும் உயர் அதிகாரிகளும் அதனால் மக்கள் பாதிக்கப்படவில்லை என்பதுபோலப் பேசி வருகிறார்கள்”, என அன்வார் அவரின் வழக்குரைஞர் மூலமாக வெளியிட்ட அறிக்கை ஒன்றில் கூறினார்.
ஐந்தாண்டுச் சிறைத்தண்டனை அனுபவித்து வரும் அன்வார், மக்களின் உண்மை நிலவரம் புறக்கணிக்கப்படுவதாகக் குறிப்பிட்டார்.
எனவே, பக்கத்தான் ஹரபான் ஆளும் கூட்டணியின் “நிர்வாக முறைகேடுகளையும் ஊழலையும் ” அம்பலப்படுத்துவது முக்கியம் என்றார்.
சரியான நேரத்தில் மக்களுக்கு இப்போ என்ன தேவை என்பதை சொல்லி இருக்கிறார் அதன் பிகேஆர் நடப்பில் தலைவர் அன்வார் இப்ராகிம். ஒப்வொரு நாளும் விலைவாசி ஏற்றம் கண்டு நம்மை மிரள வைகிறது. ஒரு சாதாரண தொழிலாளி தன் வருமானத்தில் மாதம் முடிந்து செலவு செய்வதை பயபடுகிறான். எண்ணெய் விலை ஏற்றம்… அது வாரந்தோறும் ஏற்றம் கண்டு வருகிறது. அதிகாரத்தில் இருபவர்களுக்கு சுமைகள் தெரியது. ஒரு டெக்சி ஒட்டுனர் ஒருநாள் கிடைக்கும் வருமானம் போதவில்லை. ஊபர், கிராப், இலவச பேருந்து, டோல், கோலாலம்பூர் சுற்று வட்டாரம் சுமார் 30 முதல் 50 கிலோமீட்டர் தூரம் வரை இரயில் போகுவரத்து என வந்து விட்டன. இதற்கு யார் பொறுப்பு என்று தெரியவில்லை. கோலாலம்பூர் ஒரு சிறிய நகரம் தான் அதில் டெக்சி நம்பி பிழைப்பு நடத்துபவர்கள் சுமார் நாற்பது ஆயிரம் பேர் என ஆய்வு சொல்கிறது. இபோது அது குறைந்து உள்ளது. ஒரு டெக்சி ஒட்டுனர் சுமார் 12 மணி நேரம் வேலை செய்தால் தான் அன்றைய வருமானம் 150.௦௦ வெள்ளி என வருமானம் ஈட்ட முடிகிறது. இதில் வேறு அவரின் நாள் வாடகை, செலவு, எண்ணெய், என போக வீட்டிற்கு ஒரு நாள் 50.00 வெள்ளியுடன் செல்கிறார். அது அவரின் குடும்பத்திற்கு அன்றைய செலவு. அரசாங்கத்திற்கு நிச்சயம் தெரியும் இவர்களின் பிரச்சனை. இதே போன்று தான் மற்றவர்களின் பிரச்னையும். இதை வைத்து தான் மக்களின் பொருளாதாரப் பிரச்னைகளில் கவனம் வைப்பீர் என்று அரசாங்கத்தை கேட்டு உள்ளார்..