பேங்க்  நெகரா  மலேசியா, நிதிச்சேவைச்    சட்டங்களைப்  பின்பற்றாத   1எம்டிபி   நிறுவனத்துக்கு   ரிம116மில்லியன்  அபராதம்   விதித்துள்ளது.

இத்   தகவலை    வெளியிட்ட   பக்கத்தான்   ஹரபான்   தலைவர்    டாக்டர்    வான்   அசிசா   வான்   இஸ்மாயில்,   அபராதம்   விதிக்கப்பட்டதாகக்  கூறும்  மத்திய  வங்கியின்  கடிதத்தையும்   காட்டினார்.

1எம்டிபி  ஊழல்  குறித்து  மறுபடியும்   விசாரணை    தொடங்க  வேண்டும்   என்று   பக்கத்தான்   ஹரபான்  எம்பிகள்   அனுப்பி  வைத்த   மகஜருக்குப்    பதிலாக   மத்திய   வங்கி   அக்கடித்தத்தை    அனுப்பியிருந்தது.

“பேங்க்   நெகரா   ரிம115.8 மில்லியன்   அபராதம்   விதித்துள்ளது.  அதன்படி  சட்டமீறல்   நிகழ்ந்திருப்பது   உறுதியாகிறது.

“1எம்டிபி  சுயேச்சையாக    செயல்படும்   அமைப்பல்ல.  யாரோ  சொல்லித்தான்   அது   சட்டங்களை   மீறியுள்ளது  என்பது   தெளிவு”,  என்றாரவர்.

சட்டமீறலுக்காக   1எம்டிபிமீது  நிதிச்  சேவைச்  சட்டம்  பிரிவு   234(3) (பி)-இன்கீழ்  நடவடிக்கை   எடுக்கப்பட்டு   அபராதமும்  விதிக்கப்பட்டுள்ளது.  அது   சரி,  அதே  வேளை  சட்டத்தை  மீறுவதற்குக்   காரணமாக   இருந்தவர்   யாரோ   அவர்மீது  பிரிவு  234(5)-இன்கீழ்   நடவடிக்கை   எடுப்பதுவும்   அவசியமாகும்   என்று   வான்  அசிசா   கூறினார்.