பக்கத்தான்  ஹரபான்   தலைவர்   டாக்டர்   மகாதிர்   முகம்மட்     நல்ல   தலைவர்,  நல்ல  மனிதர்    என்று  முன்னாள்  மஇகா   தலைவர்   ச.சாமிவேலு   கூறினார்.

ஆனால்,   தம்முடைய    ஆதரவு   நடப்பு   ஆட்சிக்குத்தான்   என்றார்   அந்த   மூத்த   அரசியல்வாதி . மகாதிர்  ஹரபானின்   பிரதமர்   வேட்பாளராக    அரசியலுக்குத்   திரும்பி  வந்துள்ளது   பற்றிக்    கருத்துரைக்குமாறு    கேட்டுக்கொள்ளப்பட்டதற்கு   அவர்   பதிலளிக்க  மறுத்தார்.

”மகாதிர்  பற்றி   எதுவும்   கூற   நான்   விரும்பவில்லை.

“அவர்   ஒரு  நல்ல   தலைவர்,  நல்ல   மனிதர். 21  ஆண்டுகள்   அவரிடம்  பணி  புரிந்திருக்கிறேன்”,  என்று   சாமிவேலு   இன்று   பத்து  மலை   தைப்பூசத்தில்   சந்தித்தபோது    கூறினார்.