கோவிட்-19 பாதிப்பைத் தொடர்ந்து தலைநகரில் உள்ள சிலாங்கூர் மேன்ஷன் (Selangor Mansion) மற்றும் மலாயன் மேன்ஷன் (Malayan Mansion) ஆகிய இரண்டு கட்டிடங்களும் இறுக்கமான நடமாட்டக் கட்டுப்பாடு உத்தரவுகளின் கீழ் வைக்க அரசாங்கம் உத்தரவிட்டுள்ளது.

ஜாலான் மஸ்ஜித் இந்தியாவில் அமைந்துள்ள அந்த கட்டிடத்தில் 15 நேர்மறையான கோவிட்-19 நோய்த்தொற்று பாதிப்புகள் ஏற்பட்டதாக கண்டறியப்பட்ட பின்னர் இது அறிவிக்கப்பட்டுள்ளது என்று பாதுகாப்பு அமைச்சர் இஸ்மாயில் சப்ரி தெரிவித்தார்.

மார்ச் 27 அன்று ஜோகூரின் சிம்பாங் ரெங்காமில் உள்ள இரண்டு கிராமங்களில் முதலில் அறிவிக்கப்பட்டதிலிருந்து இது நான்காவது உத்தரவாகும்.

“இறுக்கமான நடமாட்டக் கட்டுப்பாடு உத்தரவின் கீழ் அந்த கட்டிடங்களில் உள்ள 365 குடியிருப்பு பிரிவுகளில் உள்ள 5,000 முதல் 6,000 குடியிருப்பாளர்களை ஈடுபடுத்தியுள்ளது.

“இந்த உத்தரவு 7 ஏப்ரல் 2020 முதல் நடைமுறைக்கு வரும்” என்று அவர் இன்று செய்தியாளர் கூட்டத்தில் தெரிவித்தார்.

இதன் விளைவாக, அனைத்து குடியிருப்பாளர்களும் கட்டுப்பாடுக்கு உட்பட்ட பகுதியை விட்டு வெளியேற அனுமதிக்கப்படவில்லை என்று இஸ்மாயில் கூறினார்.

மார்ச் 30 அன்று, ஜாலான் முன்ஷி அப்துல்லாவில் உள்ள சிட்டி ஒன் காண்டோமினியம் ஏப்ரல் 13 அன்று இறுக்கமான நடமாட்டக் கட்டுப்பாடு உத்தரவின் கீழ் வைக்கப்பட்டது என்பது குறிப்பிடத்தக்கது.