கோவிட்-19 தொடர்பான மேலும் இரண்டு இறப்புகளை மலேசியா பதிவுசெய்துள்ளது. இதனால் மலேசியாவில் கோவிட்-19 நோயால் இறந்தவர்களின் எண்ணிக்கை 98 ஆக உள்ளது.

இன்று ஒரு செய்தியாளர் கூட்டத்தில், சுகாதார இயக்குநர் டாக்டர் நூர் ஹிஷாம் அப்துல்லா மேலும் 99 நோயாளிகள் குணமடைந்துள்ளனர் என்று அறிவித்தார். இதனால், மொத்த குணமடைந்தவர்களின் எண்ணிக்கை 3,762 அல்லது 65.5 சதவீதமாக உள்ளது.

இன்று நண்பகல் வரை, 51 புதிய கோவிட்-19 பாதிப்புகள் பதிவாகியுள்ளதாகவும் நூர் ஹிஷாம் தெரிவித்தார். இது மொத்த பாதிப்புகளின் எண்ணிக்கையை 5,742 ஆக கொண்டுவந்துள்ளது.

மீட்கப்பட்ட நோயாளிகளைக் கருத்தில் கொண்டு, மலேசியாவில் மொத்தமாக செயலில், மருத்துவமனையில் உள்ள நோயாளிகளின் எண்ணிக்கை 1,882 ஆகும்.

இந்த எண்ணிக்கையில், 36 நோயாளிகள் தீவிர சிகிச்சை பிரிவில் (ஐ.சி.யூ) உள்ளனர், அவர்களில் 16 பேருக்கு சுவாச உதவி தேவைப்படுகிறது.

இரண்டு சமீபத்திய இறப்பு பதிவுகள்:

97-வது இறப்பு (‘நோயாளி 2354’) 62 வயதான மலேசிய நபர், இதய நோய் வரலாறு கொண்டவர். அவர் மார்ச் 28, 2020 அன்று சிலாங்கூரின் சுங்கை புலோ மருத்துவமனையில் சிகிச்சைக்கு அனுமதிக்கப்பட்டார், 2020 ஏப்ரல் 25 அன்று அதிகாலை 3.53 மணிக்கு இறந்துவிட்டார்.

98-வது இறப்பு (நோயாளி 2806’) 62 வயதான மலேசிய பெண்மணி, உயர் இரத்த அழுத்த வரலாற்றைக் கொண்டது. COVID-19 நேர்மறை ‘பாதிப்பு 1346’ (அவரது மகன்) உடன் அவருக்கு நெருங்கிய தொடர்பு வரலாறு உள்ளது. அவர் மார்ச் 22, 2020 அன்று கோலாலம்பூர் மருத்துவமனையில் சிகிச்சைக்காக அனுமதிக்கப்பட்டார், 2020 ஏப்ரல் 24 அன்று மாலை 5.43 மணிக்கு இறந்துவிட்டார்.