மலேசியா இன்று அதிக எண்ணிக்கையிலான பாதிப்புகளை மீட்டுள்ளது. மொத்தம் 333 பாதிப்புகள் இன்று மீட்கப்பட்டுள்ளன.
மொத்த குணமடைந்த நோயாளிகளின் எண்ணிக்கை 7,733 ஆக உள்ளது. மொத்த பாதிப்புகளின் மீட்பு விகிதம் 90 சதவீதம் அல்லது 90.9 சதவீதத்தை தாண்டியது இதுவே முதல் முறை.

சுகாதார இயக்குநர் டாக்டர் நூர் ஹிஷாம் அப்துல்லா, கடந்த 24 மணி நேரத்தில் பதிவு செய்யப்பட்ட புதிய பாதிப்புகளின் எண்ணிக்கை வெறும் 11 மட்டுமே என்றார். இது நாட்டில் கோவிட்-19 நேர்மறை பாதிப்பு எண்ணிக்கையை 8,505 ஆக கொண்டுவந்துள்ளது.

எனவே, கோவிட்-19 நோய்த்தொற்றுடன் செயல்பாட்டில் இருக்கும் பாதிப்புகளின் எண்ணிக்கை 651 ஆகும். அவர்கள் தனிமைப்படுத்தப்பட்டு சிகிச்சை பெற்று வருகின்றனர்,” என்று அவர் ஒரு ஊடக அறிக்கையில் தெரிவித்தார்.

பதிவான 11 புதிய பாதிப்புகளில், ஒரு பாதிப்பு வெளிநாட்டில் பாதிப்புக்குள்ளான மலேசியர் என்று அவர் கூறினார்.

“நாட்டில் உள்ள 10 பாதிப்புகளில், ஆறு மலேசிய நாட்டினர் அல்லாதவர்கள் மற்றும் நான்கு மலேசிய குடிமக்கள்” என்று அவர் கூறினார்.

டாக்டர் நூர் ஹிஷாமின் கூற்றுப்படி, குடிமக்கள் அல்லாதவர்களிடையே உள்நாட்டு தொற்றுநோய்களின் ஆறு பாதிப்புகளின் விவரங்கள் பின்வருமாறு:

கோலாலம்பூர் – இரண்டு பாதிப்புகள்

நெகேரி செம்பிலன் – நான்கு பாதிப்புகள்

குடிமக்கள் மத்தியில் பாதிப்பு விவரங்கள் பின்வருமாறு:

சிலாங்கூர் – புத்ராஜெயா மருத்துவமனையில் இருந்து, பின்னர் சிலாங்கூரின் சுங்கை புலோ மருத்துவமனைக்கு மாற்றப்பட்ட ஒரு பாதிப்பு

சரவாக் – மூன்று பாதிப்புகள்

டாக்டர் நூர் ஹிஷாம் இன்று இறப்புகள் எதுவும் பதிவு செய்யப்படவில்லை என்று அறிவித்தார், இதனால் இறப்பு எண்ணிக்கை 121 அல்லது 1.42 சதவீதமாக உள்ளது.

இன்றுவரை, கோவிட்-19 இன் நான்கு (4) பாதிப்புகள் தீவிர சிகிச்சை பிரிவில் (ஐ.சி.யூ) சிகிச்சை பெற்று வருவதாகவும், எந்தவொரு பாதிப்புகளுக்கும் சுவாச உதவி தேவையில்லை என்றும் அவர் கூறினார்.