மாலை 5.25 மணி – அதிகார முறைகேடு செய்ததற்காக RM210 மில்லியன் அபராதம், மற்றும் கட்டாய சிறைத்தண்டனை ஆகியவற்றை அரசு தரப்பு கோருகிறது.

நம்பிக்கை மோசடி குற்றத்தைப் பொறுத்தவரை, இரண்டு முதல் 20 ஆண்டுகள் வரையிலான சிறைத்தண்டனையும் அபராதமும் விதிக்க கோரி அரசு தரப்பு முயல்கிறது.

பணமோசடி குற்றச்சாட்டுக்காக, அரசு தரப்பு 15 ஆண்டுகளுக்கு மிகாமல் சிறைத்தண்டனையும், RM210 மில்லியன் அபராதமும் கோருகிறது, இது குற்றத்தில் தொடர்புடைய தொகையை விட ஐந்து மடங்கு அதிகம் ஆகும்.

‘கற்பனை செய்ய முடியாத மிக மோசமான வழக்குக்கான தண்டனை’

பிற்பகல் 4.08: அரசு தரப்பு இப்போது தற்காப்பு தரப்பினருக்கு பதிலளிக்கிறது

மலேசியாவில் நிதியமைச்சராகவும் பிரதமராகவும் கிட்டத்தட்ட ஒரு தசாப்த காலமாக குற்றம் சாட்டப்பட்டவர் மிக சக்திவாய்ந்த பதவியில் இருந்தார் என்று வி சீதம்பரம் கூறினார்.

“குற்றம் சாட்டப்பட்டவர் மக்களுக்கு தனது கடமைகளை செய்ய வேண்டிய நம்பகமான மற்றும் தார்மீகக் கடமையில், பொறுப்பில் இருந்தார்.”

“இந்த நம்பிக்கையில் அவர் தோல்வியுற்றதைக் காட்டுகிறது” என்று வழக்கறிஞர் கூறினார்.

இதைக் கருத்தில் கொண்டு, பொது பதவிகளை வகிப்பவர்கள் யாரும் சட்டத்திற்கு மேலே இல்லை, சட்டத்தை மீறக்கூடாது என்பதற்காக நீதிமன்றம் இந்த வழக்கை ஒரு முன்னுதாரணமாக பயன்படுத்த வேண்டும் என்று சீதாம்பரம் தெரிவித்தார்.

இந்த தண்டனை முக்கிய கருத்தாக இருக்க வேண்டும் என்றும் மலேசிய ஊழல் தடுப்பு ஆணைய சட்டம் 2009 இன் இலக்குகளை செயல்படுத்துவதே நீதிமன்றத்தின் பணி என்றும் சிதம்பரம் கூறினார்.

“இந்த வழக்கில், கற்பனை செய்ய முடியாத மிக மோசமான வழக்குக்கு ஒதுக்கப்பட்ட தண்டனையாக, தண்டனை அமைய வேண்டும்.”

99.9% பணம் நஜிப்பிற்காக பயன்படுத்தப்படவில்லை – ஷாஃபி

பிற்பகல் 3.50 மணி – குற்றம் சாட்டப்பட்டவர் நீதிமன்றத்தில் ஓர் அறிக்கையை வெளியிடுவார் என்று பாதுகாப்பு குழு நீதிமன்றத்திற்கு தெரிவிக்கிறது.

பிற்பகல் 3.30 மணி – குற்றம் சாட்டப்பட்டவர் பயன்படுத்திய பணத்தில் 99.9 சதவீதம் தனக்காக பயன்படுத்தியது இல்லை என்று ஷஃபி குறிப்பிடுகிறார்.

45 சதவீத நிதி அரசியல் நோக்கங்களுக்காக செலவிடப்பட்டது, அதில் பொதுநல மற்றும் பிற சேவைகளும் அடங்கும் என்று அவர் கூறுகிறார். தொண்டு நிறுவன குழுக்கள் சுமார் 13.7 சதவீதத்தைப் பெற்றன.

0.4 சதவிகித நிதி கிரெடிட் கார்டு கட்டணங்களுக்காக செலவிடப்பட்டது என்பதைக் குறிப்பிடுகையில், அந்தப் பணம் வெளிநாட்டு பிரமுகர்களுக்கு பரிசுகளை வாங்க பயன்படுத்தப்பட்டது என்றார்.

பரிசுகள் மிகவும் விலை உயர்ந்தவை, அவரால் ஒரு கூடை சால்வை துணிகளை மட்டும் கொடுக்க முடியாது”(குற்றம் சாட்டப்பட்டவர் கூறினார்),” என்கிறார் ஷாஃபி.

பிற்பகல் 3.20 மணி – குற்றம் சாட்டப்பட்டவர் ஒரு பெருநிறுவன (கார்ப்பரேட்) நபர் அல்ல என்பதையும், எஸ்.ஆர்.சி இன்டர்நேஷனல் மற்றும் 1 எம்.டி.பி.யின் இயக்குநர்கள் குழு தொழிற்பண்பட்டவர்களாக இருப்பார்கள் என்று நம்பியதாகக் கூறினார்.

“அப்படியே அவர் தவறு செய்திருந்தால், அது 1எம்.டி.பி மற்றும் எஸ்.ஆர்.சி இன்டர்நேஷனல் நிறுவனத்தை நிர்வகித்த நபர்களை நம்பியதே அவர் செய்த தவறாக இருக்கும்.”

“சில சந்தர்ப்பங்களில், அவர் அதிகமாக நம்பிவிட்டார்,” என்கிறார் ஷாஃபி.

பாதுகாப்பு தரப்பு: நஜிப் 2015 முதல் ஒத்துழைத்து வருகிறார்

பிற்பகல் 3.15 மணி: குற்றம் சாட்டப்பட்டவர் 2015 முதல் விசாரணைக்கு ஒத்துழைத்து வருவதாகவும், 1எம்.டி.பி மற்றும் எஸ்.ஆர்.சி இன்டர்நேஷனல் ஆகியவற்றில் பொது கணக்குக் குழு விசாரணைகளைத் தொடங்கியதாகவும் ஷஃபி சமர்ப்பித்தார்.

பிற்பகல் 3.15 மணி: கோவிட்-19 பரவுவதைத் தடுக்க, கூடல் இடைவெளி உத்தரவைப் பின்பற்றி, பல நஜிப் ஆதரவாளர்கள் காலையில் இருந்ததைப் போல நீதிமன்றத்திற்கு வெளியே அவருக்கு ஆதரவாக இல்லை.

விண்ணப்பத்தை நிராகரித்தார் நீதிபதி

பிற்பகல் 3.05: தண்டனை வழங்குவதை அடுத்த திங்கட்கிழமைக்கு ஒத்திவைக்க வேண்டும் என்ற பாதுகாப்பு தரப்பின் விண்ணப்பத்தை நீதிபதி நிராகரித்தார். அது இப்போதே தொடர வேண்டும் என விரும்புகிறார்.

அரசு தரப்பு – குற்றம் நிரூபிக்கப்பட்ட பின்னர் குற்றவாளி தண்டிக்கப்பட வேண்டும்

பிற்பகல் 2.50: தண்டனையை ஒத்திவைக்கும் விண்ணப்பத்தை அரசு தரப்பு வழக்கறிஞர் குழு தலைவர் வி சீதம்பரம் ஆட்சேபித்தார்.

அவர் கூறுகையில், குற்றவியல் நடைமுறைச் சட்டத்தின் 183வது பிரிவு, குற்றம் நிரூபிக்கப்பட்ட பின்னர் நீதிமன்றம் தண்டனை வழங்கும் பொறுப்பால் கட்டுப்பட்டுள்ளது என தெளிவாகக் கூறுகிறது.

பிற்பகல் 2.45 மணி: தண்டனை வழங்குவதை ஒத்திவைப்பதற்கான விண்ணப்ப விசாரணையின் போது, வழக்கறிஞர் ஷஃபி அப்துல்லா தனது கட்சிக்காரர் வெளிநாடுகளுக்கு தப்பிச் செல்லும் அபாயம் இல்லை என்றும் ஜாமீன் வழங்கப்பட வேண்டும் என்றும் கூறினார்.

நஜிப் தனது பாஸ்போர்ட்டை நீதிமன்றத்தில் ஒப்படைத்து, வெளிநாட்டிற்கு செல்லாதவாறு அவரை குடிநுழைவு அதிகாரிகளால் தடுப்புப்பட்டியலில் வைத்து, RM6 மில்லியன் ஜாமீன் அளிப்பதாகவும் ஷாஃபி கூறினார்.

“முன்னாள் பிரதமராக, அவருக்கு எப்போதும் எஸ்கார்ட் போலீஸ் உள்ளது. காவல்துறை எப்போதும் அவரை கண்காணிக்கும். அவர் தப்பி ஓட முயன்றால், அவர்கள் உடனடியாக ஐ.ஜி.பி.க்கு தெரிவிப்பார்கள்,” என்று ஷாஃபி கூறினார்.

நீதிமன்றம் தொடர்கின்றது

பிற்பகல் 2.20: மதிய உணவு இடைவேளைக்குப் பின்னர் நீதிமன்ற நடவடிக்கைகள் தொடர்கின்றன.

இலகுவான தண்டனையை வழங்குதலை அடுத்த திங்கட்கிழமைக்கு ஒத்திவைக்க ஒரு விண்ணப்பத்தை பாதுகாப்பு குழு சமர்ப்பிக்க திட்டமிடப்பட்டுள்ளது.