மகளிர், குடும்பம் மற்றும் சமூக மேம்பாட்டு அமைச்சு, அடுத்த ஆண்டு 8,000 ஒப்பந்த பதவிகளை சமூக நலத்துறையில் (ஜே.கே.எம்.) இணைக்கவுள்ளதாக அதன் அமைச்சர் ரீனா மொஹமட் ஹருண் தெரிவித்தார்.

இந்நடவடிக்கையானது ஜே.கே.எம். மறுசீரமைப்பிற்கு ஏற்ப அமைந்துள்ளதோடு, மக்களுக்கான சேவைகளை வலுப்படுத்துவதை உறுதி செய்யும் ஊழியர்களின் சுமையையும் எளிதாக்கும்.

“அதே நேரத்தில், கோவிட் -19 தொற்றுநோயின் காரணமாக வேலை இழந்தவர்களுக்கும் வேலை வாய்ப்புகளை இது ஏற்படுத்துகிறது,” என்று இன்று கோலாலம்பூரில் அவர் கூறினார்.

2021 வரவுசெலவுத் திட்டத் தாக்கலின் போது, நிதியமைச்சர் தெங்கு ஜஃப்ருல் தெங்கு அப்துல் அஜீஸ், பொதுத்துறையில் 50,000 ஒப்பந்த வேலை வாய்ப்புகளை அறிவித்தார், அதில் 8,000 பெண்கள், குடும்பம் மற்றும் சமூக மேம்பாட்டு அமைச்சுக்கு ஒதுக்கப்பட்டது.

இந்த விஷயத்தை விரிவாகக் கூறிய ரினா, ஒப்பந்த ஊழியர்களைத் தவிர, குழந்தைகள் பாதுகாவலர்கள் மற்றும் ஜே.கே.எம். தார்மீக அதிகாரிகளின் எண்ணிக்கையையும் அதிகரிக்க திட்டமிட்டுள்ளதாகச் சொன்னார்.

இது தவிர, தேசிய நல அறக்கட்டளையில் (ஒய்.கே.என்.) தன்னார்வலராக இணைய, சமூகத்தின் பங்களிப்பை ரீனா வரவேற்கிறது, இது எந்தவொரு பின்னணியையும் பொருட்படுத்தாமல் அனைவருக்கும் திறந்திருக்கும்.

• பெர்னாமா