அன்வர் இப்ராஹிமுக்குப் பதிலாக எதிர்க்கட்சிகள் புதிய எதிர்க்கட்சித் தலைவரை நியமிக்க வேண்டிய நேரம் இது என்று ஜுரைடா கமருதீனின் அரசியல் செயலாளர் நோர் ஹிஸ்வான் அஹ்மத் கருதுகிறார்.

தேசியக் கூட்டணி (பிஎன்) தொடர்பாக அமானா தொடர்புத்துறை இயக்குனர் காலித் சமத் கூறிய “துரோக அரசியல்” குற்றச்சாட்டு குறித்து கருத்து தெரிவித்த அவர், பி.கே.ஆர். தலைவரான அன்வரிடம் காலித் அதனை கூறவேண்டும் என்றார்.

“நாட்டின் பொருளாதார மற்றும் அரசியல் சூழல் அனைவருக்குமான பொறுப்பாகும், நாட்டின் அமைதி மற்றும் பொருளாதார மீட்பு செயல்முறைக்கு அடிக்கடி அச்சுறுத்துதலாக இருக்கும் அன்வர் மீதுதான் காலித்தின் குற்றச்சாட்டுகள் வீசப்பட வேண்டும், பிஎன் அரசாங்கத்தை வீழ்த்துவதற்கு போதுமான நாடாளுமன்ற உறுப்பினர்கள் உள்ளனர் என்ற அதிர்ச்சியூட்டும் அறிக்கைகளை அவர்தான் வெளியிடுகிறார்.

“இது நாட்டின் பொருளாதார உறுதியற்ற தன்மையை ஏற்படுத்தும் அச்சுறுத்தல்,” என்று அவர் ஓர் அறிக்கையில் தெரிவித்துள்ளார்.

தற்போதுள்ள 108 எண் போதுமானதாக இல்லை என்பதை உணர்ந்ததால், அன்வர் தனக்கான ஆதரவை அதிகரிக்கும் முயற்சியில் இருப்பதாக அவருக்கு தெரியவந்துள்ளது என்றும் நோர் ஹிஸ்வான் கூறினார்.

“அன்வர் இன்னும் நிழல்களைத் துரத்திக் கொண்டிருக்கையில், மக்கள் நலனை முக்கிய இலக்காகக் கொண்டு பி.என். தொடர்ந்து நாட்டை வழிநடத்தும்.

“அன்வர் இப்ராஹிமுக்குப் பதிலாக ஒரு புதிய மற்றும் கவர்ச்சியான எதிர்க்கட்சித் தலைவரை எதிர்க்கட்சிகள் நியமிக்க வேண்டிய நேரம் வந்துவிட்டது போலும்,” என்று அவர் கூறினார்.