அம்னோ ஆலோசனைக் குழுவின் தலைவரான தெங்கு ரஸலீ ஹம்சா, அம்னோ வைத்திருக்கும் ‘டிஏபி வேண்டாம், அன்வர் வேண்டாம்’ (நோ டிஏபி நோ அன்வர்) என்ற அணுகுமுறை இறுதி நிலைப்பாடாக இருக்கக்கூடாது என்று சூசகமாகக் குறிப்பிட்டார்.
“இது (நிலைப்பாடு) தடிமனான உணர்வு மட்டுமே என்று நான் நினைக்கிறேன். அரசியலில் என்னைப் பொறுத்தவரை, எல்லாவற்றையும் கணக்கில் எடுத்துக்கொள்ளவில்லை, முக்கியமானது மக்கள், மக்கள் கணக்கில் எடுத்துக்கொள்ளப்பட வேண்டும்.
“மக்களுக்கு நன்மை பயக்கும் ஏதாவது செய்ய வேண்டும், அதுதான் முன்னுரிமை.
“டிஏபி’யுடனான நமது கேள்வி, தலைவர்களாகிய நாம் புத்திசாலித்தனமாக இருக்க வேண்டும், நிர்வகித்தல் புத்திசாலித்தனமாக இருக்க வேண்டும், அதிகாரத்தைப் பிரிக்க புத்திசாலித்தனமாக இருக்க வேண்டும், எங்கள் (அரசியல்) நண்பர்கள் என்ன செய்வார்கள், அவர்களால் என்ன செய்ய முடியும் என்பதைத் தீர்மானிக்கவும் கண்காணிக்கவும் புத்திசாலித்தனமாக இருக்க வேண்டும்.
“எனவே, நாம் நிலைமையைக் கட்டுப்பாட்டுக்குள் வைத்திருந்தால், மற்றவையெல்லாம் பிரச்சனையல்ல என்று நான் நினைக்கிறேன். முக்கியமான விஷயம் என்னவென்றால், மக்கள்,” என்று, காஜாங்கில் தேசியப் பேராசிரியர்கள் மன்றம் ஏற்பாடு செய்திருந்த ‘மலேசியாவின் எதிர்காலம்’ குறித்த கருத்துரையாடலில் அவர் கூறினார்.
அம்னோ வைத்திருக்கும் “நோ டிஏபி நோ அன்வர்” என்ற அரசியல் கதை நாட்டின் அரசியல் நிலைமைக்கு இன்னும் பொருத்தமானதா என்று பார்வையாளர்கள் கேட்டபோது அவர் இவ்வாறு பதிலளித்தார்.
முன்னதாக, அம்னோ உச்சமன்ற உறுப்பினர் புவாட் சர்காஷி இதேபோன்ற கருத்தை வெளிப்படுத்தியிருந்தார், மாறிவரும் அரசியல் சூழ்நிலை காரணமாக, இந்த முழக்கம் எல்லா நேரங்களிலும் அவசியமில்லை என்று அவர் விவரித்தார்.
ஜொகூர் அம்னோ துணைத் தலைவர், நூர் ஜஸ்லான் முகமது, இரு பெரும் போட்டியாளர்களுக்கும் இடையிலான ஒத்துழைப்பு மோசமான யோசனையாக இருக்காது என்று கூறினார்.
இருப்பினும், பேராக்கில் அம்னோவிற்கும் டிஏபிக்கும் இடையிலான ஒத்துழைப்பு குறித்த ஊகங்கள் எழுந்த நேரத்தில், அம்னோவுக்குள் ஒரு சதித்திட்டம் நடப்பதாக பிஎன் பொதுச் செயலாளர் அன்னுவார் மூசா கூறினார்.
அன்னுவார் மற்றும் அம்னோ தலைவர் அஹ்மத் ஜாஹித் ஹமிடி உள்ளிட்ட சில கட்சித் தலைவர்கள் அம்னோ-டிஏபி ஒத்துழைப்பில் விருப்பம் கண்டாலும், மற்றவர்கள் அந்த ஒத்துழைப்பை உடனடியாக முடிவுக்குக் கொண்டுவர விரும்புவதாகத் தெரிகிறது.
