நாடாளுமன்றம் | இந்த ஆண்டு ஜனவரியில் இருந்து, மது அருந்துதல் அல்லது போதைப்பொருள் காரணமாக, 807 சாலை விபத்துகள் பதிவு செய்யப்பட்டுள்ளதாகப் போக்குவரத்து அமைச்சர் வீ கா சியோங் கூறினார்.

ஆயேர் ஈத்தாம் நாடாளுமன்ற உறுப்பினரின் கூற்றுப்படி, அதுதொடர்பான பெரும்பாலான வழக்குகள் வாகன சேதத்தை ஏற்படுத்தின, அதாவது 712 வழக்குகள், மேலும் 29 வழக்குகளில் மரணங்கள் ஏற்பட்டன.

மேலும், பதினேழு பேருக்குக் கடுமையான காயங்களும், 49 பேருக்குச் சிறிய காயங்களும் ஏற்பட்டன.

“வழக்க ஓட்டத்திற்கு எதிராக வாகனம் ஓட்டுவது தொடர்பான வழக்குகளில், மது அருந்தி அல்லது போதைப்பொருள் உட்கொண்டு வாகனம் ஓட்டுபவர்களால் இதுபோன்ற வழக்குகள் அடிக்கடி பதிவாகியுள்ளன, இது மிகவும் கவலையளிக்கிறது,” என்று அவர் இன்று மக்களவையில் கேள்வி நேர அமர்வின் போது கூறினார்.

போக்குவரத்து விதிகளை பின்பற்றாமல், அதிவேகம், மதுபானம் மற்றும் போதைப்பொருள் குடித்து வாகனம் ஓட்டுதல், கைத்தொலைபேசி அல்லது திசைகாட்டி பயன்பாடுகளின் காரணமாக வாகனம் ஓட்டும்போது கவனம் செலுத்துவதில்லை,.

போக்குவரத்து அமைச்சு, அக்டோபர் 23, 2020 முதல் சாலை போக்குவரத்துச் சட்டம் 1987-இல் திருத்தங்களைச் செயல்படுத்தியுள்ளது, மற்றவற்றுடன், தண்டம் மற்றும் சிறைத்தண்டனை அதிகரிப்பு ஆகியவற்றையும் அது உள்ளடக்கியது என்று அவர் மேலும் சொன்னார்.