மாநிலத்தின் அரசாங்கக் கட்சி, எதிர்க்கட்சிகளுக்கு ஒரு வாய்ப்பை வழங்கி, தேசிய முன்னணி தலைமையில் ஒரு புதிய மாநில அரசு அல்லது புதிய ஒற்றுமை அரசாங்கம் மலாக்காவில் உருவாக்கப்படும் என்ற ஊகங்கள் பரவிவருகின்றன.

இது, நேற்றிரவு பக்காத்தான் ஹராப்பான் (பிஎச்) சட்டமன்ற உறுப்பினர்களுக்கும், மத்திய பிஎச் தலைமைக்கும் – பிகேஆர் தலைவர் அன்வர் இப்ராகிம், டிஏபி தலைமைச் செயலாளர் லிம் குவான் எங், மூத்த டிஏபி தலைவர் லிம் கிட் சியாங் மற்றும் டிஏபி அமைப்பு செயலாளர் அந்தோணி லோக் – இடையே நேற்று நடந்த விவாதங்களுக்கு வழிவகுத்தது என சின் சியூ டெய்லி செய்தி வெளியிட்டுள்ளது.

தொடர்பு கொண்ட போது, நேற்று, பெட்டாலிங் ஜெயாவில் உள்ள அன்வரின் அலுவலகத்தில், பிஎச் தலைவர்களுக்கும் சட்டமன்ற உறுப்பினர்களுக்கும் இடையே நடந்த கலந்துரையாடல்களை ​​லோக் உறுதிப்படுத்தினார்.

“மலாக்காவின் சமீபத்திய முன்னேற்றங்கள் பற்றி விவாதிக்க மட்டுமே இந்தக் கூட்டம் நடத்தப்பட்டது. எந்த முடிவும் எடுக்கப்படவில்லை,” என்று அவர் கூறினார்.

இருப்பினும், தற்போதைய ஆளும் கட்சியுடன், புதிய அரசாங்கத்தை அமைக்க பிஎச்-க்கான அழைப்பை அவர் ஏற்க மறுத்தார்.

“வாய்ப்பு வழங்குவதாக அவர்கள் கூறுவது சரியல்ல,” என்று அவர் கூறினார்.

அது குறித்து மேலும் கருத்து தெரிவிக்க லோக் மறுத்துவிட்டார், குறிப்பாக மாநிலப் பிரச்சனைகளில் இரு தரப்பினரும் இணைந்து செயல்படுவதற்கான சாத்தியக்கூறுகள் தொடர்பாக.

ஆதாரங்களை மேற்கோள் காட்டி, சின் சியூ செய்தி, அம்னோ, பெர்சத்து மற்றும் சுயேட்சை சட்டமன்ற உறுப்பினர்கள், பிஎச்-ஐ இணைந்து வேலை செய்ய அழைத்ததாகவும், இதையொட்டி ஆட்சி மாற்றத்திற்கான சாத்தியத்தை ஏற்படுத்தியதாகவும் கூறியது.

அந்த அறிக்கையில், சில சட்டமன்ற உறுப்பினர்கள், குறிப்பாக டிஏபியைச் சேர்ந்தவர்கள் மாநில அரசு கூட்டணிக்குப் பிஎச் ஒத்துழைப்பதை ஒப்புக்கொள்ளவில்லை.

முன்னாள் மலாக்கா முதல்வரும், சுங்கை ஊடாங் சட்டமன்ற உறுப்பினருமான இட்ரிஸ் ஹரோன், எதிர்க்கட்சிகளுடனான ஒத்துழைப்பை ஆதரிப்பவர்களில் ஒருவர் என்று கூறப்படுகிறது.

மலாக்கா அரசாங்கக் கட்சியுடன் ஒத்துழைப்பு பற்றி விவாதிக்க, நேற்று 11 சட்டமன்ற உறுப்பினர்கள் அன்வரின் அலுவலகத்தில் ஒரு கூட்டத்திற்கு அழைக்கப்பட்டனர்.

சந்திப்பின் போது, ​​நான்கு டிஏபி சட்டமன்ற உறுப்பினர்கள், நெறிமுறைகள் மற்றும் அரசியல் ஒருமைப்பாடு இல்லாததைக் காரணம் காட்டி, கூட்டணி அமைப்பதற்கான வாய்ப்பில் உடன்படவில்லை. அத்தகைய ஒத்துழைப்பு பரவலாக ஏற்றுக்கொள்ளப்படாது என்று அவர்கள் வாதிட்டனர்.