கிளந்தான் அரசாங்கத்தின் ஆட்சிகுழு உறுப்பினர் ஒருவர் பெட்ரோலிய ஆதாய உரிமையை கிளந்தானுக்குச் செலுத்துவது பற்றிய பிரச்சினையை எழுப்பினார்.
வீட்டுவசதி, உள்ளாட்சி மற்றும் சுகாதாரத் துறை ஆட்சிக்குழு உறுப்பினர், டாக்டர் இசானி ஹுசின், பிரதமர் இஸ்மாயில் சப்ரி யாக்கோபுக்கு எழுதிய முகநூல் பதிவில், கிளந்தானுக்கும் மத்திய அரசுக்கும் இடையே 1975-இல் ஏற்பட்ட பெட்ரோலிய ஒப்பந்தம் குறித்த பிரச்சினையை எழுப்பினார்.
“இந்த ஒப்பந்தம் புதிய நிபந்தனைகளை விதிப்பதன் மூலமோ அல்லது கடற்கரையிலிருந்து மூன்று கடல் மைல்கள் போன்ற புதிய விளக்கங்களை விதிப்பதன் மூலமோ மாநில அரசுக்குப் பணம் செலுத்துவதைத் தடுக்கவே இல்லை.
“மலேசியா மற்றும் தாய்லாந்து இடையிலான ஜேடிஏ கிணறுகளுக்கான ஒப்பந்தம் மற்றும் கூட்டமைப்புக்கான விற்பனை வருவாய் கொடுப்பதற்குக் காரணம், மலேசியாவுக்கும் தாய்லாந்திற்கும் இடையிலான நாட்டின் எல்லையானது கிளந்தானில் இருப்பதே ஆகும்,” என்று அவர் கூறினார்.
கிளாந்தானுக்கான பெட்ரோலிய ஆதாய உரிமை விவகாரம், மத்திய அரசுக்கு எதிராக சட்ட நடவடிக்கை எடுப்பது உட்பட, நீண்டகாலமாக கிளந்தான் அரசாங்கத்தால் விவாதிக்கப்பட்டு வருகிறது.
எவ்வாறாயினும், அக்டோபர் 2018-இல், தேசிய நிதி மன்றக் கூட்டத்தில் கூறப்பட்டபடி கிளந்தான் மற்றும் திரெங்கானுவுக்கு ஆதாய உரிமையை செலுத்த விரும்பிய டாக்டர் மகாதீர் முகமட்டின் நிர்வாகத்தின் கீழ், அப்போதைய மத்திய அரசின் உறுதிப்பாட்டைத் தொடர்ந்து கிளந்தான் வழக்கைத் திரும்பப் பெற்றது.
பக்காத்தான் ஹராப்பான் நாட்டை ஆண்டபோது, அந்தப் பணம் ஆதாய உரிமையாக மாற்றப்பட்டது, ஆனால் கிளந்தான் அதை தொண்டுப் பணமாகக் கருதியது.
மறைந்த நிக் அப்துல் அஜிஸ் நிக் மாட்டின், நிர்வாகத்தின் போது கிளந்தான் இந்த வழக்கைத் தாக்கல் செய்தார்.
2004-ஆம் ஆண்டு முதல், மாநிலத்தின் கடற்பரப்பில் ஆய்வு செய்யப்பட்ட எண்ணெய்க்கான ஆதாய உரிமையைப் புத்ராஜெயா செலுத்தத் தவறியபோது, அந்த நேரத்தில் அவரது மூத்த பிரதிநிதியான ஹுசம் மூசாவுடன் சேர்ந்து, கிளந்தான் அரசாங்கம் பெட்ரோனாஸ் மற்றும் மத்திய அரசு மீது வழக்குத் தொடர்ந்தது.
இதற்கிடையில், இசானி, தர்க்கரீதியாக, மலேசியா-தாய்லாந்து எல்லையில் உள்ள கிளந்தான், மலேசியாவிற்கு வருவாய் ஈட்ட அனுமதிப்பதால், குறைந்தபட்சம் நன்றியுணர்வுடன் கிளாந்தனுக்கு ஆதாய உரிமை வழங்கப்பட வேண்டும் என்றார்.
