நிரந்தர பணிகளுக்கு  நிராகரிக்கப்பட்ட  ஒப்பந்த மருத்துவர்கள் மீண்டும் விண்ணப்பிக்க அனுமதிக்கப்பட வேண்டும் என்று மலேசிய மருத்துவ சங்கம் (எம்எம்ஏ) கேட்டுக்கொண்டது.

எம்எம்ஏ தலைவர் டாக்டர் கோ கர் சாய் கூறுகையில், சில ஒப்பந்த மருத்துவர்கள் தங்கள் விண்ணப்பங்கள் எந்த காரணமும் இல்லாமல் நிராகரிக்கப்பட்டதாக புகார் அளித்துள்ளனர்.

“தங்கள் விண்ணப்பங்களை நிராகரிப்பதற்கான ஏதேனும் தொழில்நுட்ப காரணங்கள் இருந்தால், அவர்கள் மீண்டும் விண்ணப்பிக்க அனுமதிக்கப்பட வேண்டும்” அதே நேரத்தில் பொது சேவைகள் ஆணையம் (பிஎஸ்சி) அந்த விண்ணப்பங்களை நிராகரிப்பதற்கான காரணங்களைத் தெரிவிக்க வேண்டும் மற்றும் மேல்முறையீட்டுக்கான வழியையும் வழங்க வேண்டும், என்று கோ கூறினார்.

விண்ணப்பித்த 533 மருத்துவர்களில் சிலர் மலேசிய மருத்துவக் கவுன்சில் பதிவு விவரங்களைச் சேர்க்கவில்லை என்று எம்எம்ஏவில் பெறப்பட்ட கருத்து தெரிவிக்கிறது, இது  தற்பொழுது கட்டாயமாக்கப்பட்டது. இது விண்ணப்பம் செய்யும் போது ஒரு  செயல்பாட்டு தவறாக ஆகி விடுகிறது என்று கோ கூறினார்.

நிபுணத்துவத் துறையைத் தேர்ந்தெடுப்பதற்கான பிரிவில் தேர்ந்தெடுக்கும் விருப்பத்தேர்வுகள் மிகக் குறைவாக இருப்பதாகவும், மற்றவர்கள் தங்கள் CGPA மதிப்பெண்களைச் சேர்க்காததால் அவர்களின் விண்ணப்பம் பாதிக்கப்பட்டிருக்கலாம் என்றும்  கூறுகின்றனர்.

நிரந்தரப் பணியிடங்களுக்கான விண்ணப்பங்கள் காரணமின்றி நிராகரிக்கப்பட்டதால் பல ஒப்பந்த மருத்துவர்களும் வருத்தம் அடைந்துள்ளனர், இந்த முடிவை எதிர்த்து மேல்முறையீடு செய்யலாமா என்ற குழப்பத்திலும் உள்ளனர் என்றார் அவர்.

சனிக்கிழமையன்று, PSC க்கு மின்னஞ்சல் அனுப்பிய சில மருத்துவர்கள், சில ஆவணங்களை மீண்டும் சமர்ப்பிக்கும்படி கூறப்பட்டதாக  தெரிவித்துள்ளனர். செயல்பாட்டில் அதிக வெளிப்படைத்தன்மை தேவை என்றும் அவர்கள் கேட்டுக் கொண்டனர்.

-freemalaysiatoday