கோவிட் -19 க்கு சிகிச்சையளிக்க வைரஸ் தடுப்பு மாத்திரையின் முதல் ஏற்றுமதி வந்துள்ளதாக சுகாதார அமைச்சகம் இன்று அறிவித்துள்ளது.
Pfizer’s Paxlovid மாத்திரைகள் ஆக மொத்தம் 48,000 பெட்டிகள் Pharmaniaga Logistic Sdn Bhd க்கு வழங்கப்பட்டதாக சுகாதார பொது இயக்குநர் டாக்டர் நூர் ஹிஷாம் அப்துல்லா தெரிவித்தார்.
“கோவிட்-19க்கு எதிரான மற்றொரு ஆயுதம் பாக்ஸ்லோவிட். இது கோவிட்-19 தடுப்பூசிகள் அல்லது தொற்றுநோயைத் தவிர்ப்பதற்கான தடுப்பு நடவடிக்கைகளுக்கு மாற்றாக இல்லை, ”என்று அவர் கூறினார்.
18 வயது மற்றும் அதற்கு மேற்பட்ட வயதுடைய கோவிட்-19 நோயாளிகள், அதிக ஆபத்துள்ள பிரிவில் இல்லாதவர்கள் மற்றும் ஆக்ஸிஜன் சிகிச்சை தேவைப்படாதவர்களுக்கு இந்த மாத்திரைகள் பரிந்துரைக்கப்படுகின்றன.
நூர் ஹிஷாம் கூறுகையில், உகந்த செயல்திறனுக்காக, நோயாளிக்கு நேர்மறை சோதனை செய்யப்பட்ட உடனே அல்லது அறிகுறிகளைக் காட்டிய ஐந்து நாட்களுக்குள் மாத்திரைகள் சாப்பிட வேண்டும்.
அமெரிக்க உணவு மற்றும் மருந்து நிர்வாகத்தின் கூற்றுப்படி, பாக்ஸ்லோவிட் மூன்று மாத்திரைகளாக கொடுக்கப்படிகிறது. அதாவது, நிர்மத்ரெல்விரின் என்ற இரண்டு இளஞ்சிவப்பு மாத்திரைகளும் மற்றும் ரிடோனாவிரின் என்ற ஒரு வெள்ளை மாத்திரையும் இதில் அடங்கும்.
ஐந்து நாட்களுக்கு ஒரு நாளைக்கு இரண்டு வேளைகள் முறை, மொத்தம் 30 மாத்திரைகள் வாய்வழியாக (விழுங்கப்பட வேண்டும்) ஒன்றாக எடுத்துக் கொள்ளப்பட வேண்டும். தொடர்ந்து ஐந்து நாட்களுக்கு மேல் இந்த மாத்திரைகளை பயன் படுத்த கூடாது.
மூட்டு வலி, வாந்தி, வயிற்றுப்போக்கு, உயர் இரத்த அழுத்தம் மற்றும் சுவை உணர்வில் மாற்றம் ஆகியவை மருந்தின் சாத்தியமான சில பக்க விளைவுகளாகும்.
-freemalaysiatoday
