மைக்ரோமொபிலிட்டி வாகனங்களான மொபெட் (mopeds), பெர்சனல் மொபிலிட்டி டிவைஸ் ( personal mobility devices (PMD) ) மற்றும் பெர்சனல் மொபிலிட்டி எய்ட்ஸ் (personal mobility aids (PMA) ) ஆகியவற்றைப் பொதுச் சாலைகளில் பயன்படுத்த அனுமதி இல்லை என்று போக்குவரத்து அமைச்சர் வீ கா சியோங் (Wee Ka Siong) தெரிவித்தார்.

மொபெட் என்பது இரண்டு அல்லது மூன்று சக்கரங்கள் பொருத்தப்பட்ட மற்றும் ஒரு மணி நேரத்திற்கு 50 கிலோமீட்டர் (கிமீ/ம) வேகத்திற்கு மிகாமல் மின்சாரம் மூலம் இயக்கப்படும் வாகனம் ஆகும்.

PMD மற்றும் PMA ஆகியவை மனிதனால் இயங்கும் வாகனங்கள் அல்லது உட்புற எரிப்பு இயந்திரங்களைப் பயன்படுத்தும், மின்சார ஸ்கூட்டர்கள் போன்ற சாதனங்கள் 25km/h வேக வரம்பைக் கொண்டுள்ளன.

டிச. 17, 2021 முதல் நடைமுறைக்கு வந்த போக்குவரத்து  விதிகள் 2021 இன் படி, மூன்று வகையான மைக்ரோமொபிலிட்டி வாகனங்கள் தடை செயல்படுத்தப்பட்டது என்று வீ கூறினார்.

புத்ராஜெயாவில் உள்ள தனது அமைச்சகத்தில் மைக்ரோமொபிலிட்டி வாகனங்களைப் பயன்படுத்துவது குறித்த செய்தியாளர் கூட்டத்தில், “சாலையில் மைக்ரோமொபிலிட்டி வாகனங்களைப் பயன்படுத்துவது பயனர்களுக்கு மட்டுமல்ல, மற்ற சாலைப் பயனாளர்களுக்கும் ஆபத்தை ஏற்படுத்தும்,” என்று கூறினார்.

காவல்துறை மற்றும் சாலைப் போக்குவரத்துத் துறையால் அமல்படுத்தப்படும் விதிகளுக்கு இணங்கத் தவறியவர்களுக்கு எதிராக RM300 அபராதம் விதிக்கப்படும் என்று வீ கூறினார்.

இருப்பினும், போக்குவரத்து நெரிசல் இல்லாத பகுதிகளில் மூன்று வகை மைக்ரோமொபிலிட்டி வாகனங்களின் பயன்பாடு அனுமதிக்கப்படுகிறது என்று அவர் கூறினார்.

“உள்ளூர் அதிகாரிகள் வாகனங்களைப் பாதுகாப்பாகப் பயன்படுத்துவதற்குத் துணைபுரியும் உள்கட்டமைப்பு மற்றும் வசதிகளை வழங்கினால், சாலையில் மைக்ரோமொபிலிட்டி வாகனங்களைப் பயன்படுத்துவது பரிசீலிக்கப்படும்,” என்று அவர் கூறினார்

இதற்கிடையில், சாலை போக்குவரத்து சட்டம் 1987 மற்றும் சாலை போக்குவரத்து விதிகள் 1959 இன் கீழ் வகுக்கப்பட்ட விதிமுறைகளுக்கு இணங்க, மிதிவண்டிகள், ரிக்ஷாக்கள் மற்றும் மின்சார மிதிவண்டிகளின் பயன்பாடு அனுமதிக்கப்பட்டதாக வீ கூறினார்.

“எலெக்ட்ரிக் மிதிவண்டிகளைப் பயன்படுத்துவதற்கு, மலேசியா ஸ்டாண்டர்ட் MS2514: எலக்ட்ரிக் மிதிவண்டிகளின் விவரக்குறிப்புகளை மட்டுமே சாலையில் பயன்படுத்த அனுமதிக்கப்படுகிறது,” என்று அவர் மேலும் கூறினார்.