பினாங்கு பொது மருத்துவமனையில் பணிபுரிந்த இளம் மருத்துவரின் மரணம் தொடர்பில் விசாரணை நடத்த காவல்துறைக்கு அவகாசம் வழங்குமாறு சுகாதார அமைச்சு பொதுமக்களை வலியுறுத்தியுள்ளது.

பினாங்கு சுகாதார இயக்குனர் டாக்டர் மாரோஃப் சுடின்(Dr Ma’arof Sudin) ஒரு அறிக்கையில், பிரேத பரிசோதனை செய்யப்பட்டுள்ளதாகவும், பரிசோதனை முடிவுகள் நிலுவையில் இருப்பதாகவும் கூறினார்.

பிரேத பரிசோதனை அறிக்கை முடிந்ததும், மேற்கொண்டு விசாரணை காவல்துறையால் கையாளப்படும்.

இந்த விவகாரம் இன்னும் காவல்துறையால் விசாரிக்கப்படுவதைக் கருத்தில் கொண்டு, இறந்தவரின் குடும்பத்திற்கு மரியாதை செலுத்தும் வகையில், பினாங்கு சுகாதாரத் துறை, சம்பவம் குறித்து தவறான தகவல்களை ஊகிக்கவோ அல்லது பரப்பவோ கூடாது என்பதில் அனைவரின் ஒத்துழைப்பை நாடுகிறது.

“சுகாதார துறையும், பினாங்கு பொது மருத்துவமனையும் காவல்துறைக்கு எங்களது முழு ஒத்துழைப்பையும் வழங்கும்,” என்று மாரோஃப் கூறினார்.

இறந்தவர் ஏப்ரல் 4 ஆம் தேதி வேலைக்குச் சென்றதாகவும், ஏப்ரல் 17 ஆம் தேதி அவரது அடுக்குமாடி கட்டிடத்தில் இருந்து விழுந்து இறந்து கிடந்ததாகவும் அவர் கூறினார். நேற்று தி வைப்ஸ்(The Vibes) செய்தி வெளியிட்ட பிறகுதான் இந்த விஷயம் வெளிச்சத்துக்கு வந்தது.

இச்சம்பவம் அரசியல்வாதிகள் மத்தியில் சில கொந்தளிப்பை ஏற்படுத்தியுள்ளது, அவர்கள் தங்கள் இளநிலை மருத்துவர்களை சிறப்பாக கவனிக்குமாறு சுகாதார அமைச்சகத்தை வலியுறுத்தியுள்ளனர்.

சட்டமன்ற உறுப்பினர் நோர்லேலா அரிஃபின்(Norlela Ariffin) இன்று காலை இளம் மருத்துவர்களின் பணி நிலைமைகளை “மனிதாபிமானமற்றது” என்று விவரித்தார்.

பினாங்கு சட்டமன்ற உறுப்பினர் பி.ராமசாமி, இளம் மருத்துவர்கள் பெரும்பாலும் தங்கள் மூத்தவர்களால் மிரட்டலுக்கு உட்படுத்தப்படுகிறார்கள் என்றும் குற்றம் சாட்டினார்.

‘விசயத்தை தீவிரமாக எடுத்துக் கொள்ளுங்கள்’

இதற்கிடையில், பண்டார் குச்சிங் எம்.பி கெல்வின் யி லீ வூன், இளம் மருத்துவர்கள் கடுமையான மன அழுத்தத்திற்கு உட்படும் குற்றச்சாட்டுகளை ஆராயவும், தேவையான உணர்ச்சி மற்றும் உளவியல் ஆதரவை உறுதிப்படுத்தவும் சுகாதார அமைச்சகத்தை வலியுறுத்தினார்.

இந்த விவகாரத்தை தனிமைப்படுத்தப்பட்ட வழக்காக கருதாமல், தீவிரமாக எடுத்துக்கொள்ள வேண்டும் என்றார்.

“நமது  சுகாதாரப் பணியாளர்கள், மோசமாக  நடத்தப்படுவதை கட்டுப்படுத்த சுகாதார அமைச்சகம் தெளிவான விளக்கத்தை அளிக்க வேண்டும் மற்றும் வெளிப்படையான விசாரணையை நடத்த வேண்டும். இதை ‘பொதுவான நடைமுறை அல்லது கலாச்சாரம்’ என்று ஒதுக்கித் தள்ள முடியாது.”

மலேசிய மருத்துவ சங்கத்தின் (MMA) தலைவர் கோ கர் சாய், அதிகாரிகள் இந்த விவகாரத்தை விசாரிக்கும் போது, ​​மருத்துவரின் குடும்பத்தின் சுய மதிப்புக்கு மரியாதை கொடுப்பதோடு  எந்த தனியுரிமைக்கு மதிப்பளிக்கப்பட வேண்டும் என்றும், இந்த சம்பவத்தை பரபரப்பாகப் பரப்பக் கூடாது என்றும் கூறினார்.

தனிப்பட்ட பிரச்சினைகளை அனுபவிக்கும் சுகாதார பணியாட்கள் மருத்துவர்களுக்கான ஆதரவுக் குழுவான MMA’s HelpDoc -ஐ அணுகலாம் என்றும் அவர் கூறினார்.