ரிங்கிட் வலுவிழந்ததைத் தொடர்ந்து மூலப்பொருளின் விலை அதிகரிப்பு மற்றும் கணினி சிப்கள் வரவு இல்லாததால் வாகனங்களின் விலை உயரும் என எதிர்பார்க்கப்படுகிறது.

உற்பத்தியாளர்கள் சுமக்கும் அதிகரித்த செலவுகள் காரணமாக கார்களின் விலையில் அதிகரிப்பு ஏற்படுவதற்க்கு வலுவான வாய்ப்புகள் உள்ளன என்று மலேசிய ஆட்டோமோட்டிவ் அசோசியேஷன் MAA தலைவர் ஆயிஷா அஹ்மத் கூறியுள்ளார்.

எவ்வாறாயினும், மலேசியாவில் வாகன உற்பத்தியாளர்கள் வாகனங்களின் விலையை அதிகரிப்பதா அல்லது அதிகரித்து வரும் செலவினங்களை தொடர்ந்து நீட்டிப்பதா என்பதை இன்னும் முடிவு செய்யவில்லை என்று பத்திரிகையிடம் அவர் கூறினார்.

“உயர்ந்து வரும் மூலப் பொருட்களின் விலைகள், தளவாடச் செலவுகள் மற்றும் ரிங்கிட்டின் பலவீனம் ஆகியவை உற்பத்தியாளர்கள் வாகன விலைகளை அதிகரிக்க வேண்டிய காரணங்களில் ஒன்றாகும்” என்று அவர் கூறினார்.

“இருப்பினும், இது இன்னும் முடிவு செய்யப்படவில்லை.”

இதற்கிடையில், தேசிய கார் தயாரிப்பு நிறுவனம் அதன் வாகனங்களின் விலையை பராமரிக்க, மூலப்பொருட்களின் அதிகரித்து வரும் விலையை இன்னும் உள்வாங்க முயற்சிப்பதாக புரோட்டான் ஹோல்டிங்ஸ் பிஎச்டி துணை தலைவர் ரோஸ்லான் அப்துல்லா தெரிவித்தார்.

நிலைமை மோசமடைந்தால், புரோட்டான் செலவு அதிகரிப்பில் சிலவற்றை வாடிக்கையாளர்கள் ஏற்க  வேண்டியிருக்கும் என்று அவர் கூறினார்.

“நாங்கள் இன்னும் எதையும் முடிவு செய்யவில்லை. இப்போதைக்கு, விலை உயர்வை உள்வாங்க முயற்சித்து வருகிறோம்,” என்றார் அவர்.

மார்ச் 2021 இல் 64,938 ஆக இருந்த வாகன விற்பனை மார்ச் மாதத்தில் 73,222 ஆக அதிகரித்துள்ளது என்று MAA கடந்த மாதம்  தெரிவித்துள்ளது.

கடந்த ஆண்டு இதே மாதத்தில் 58,498 யூனிட்களாக இருந்த பயணிகள் வாகனங்களின் விற்பனை மார்ச் மாதத்தில் 65,902 யூனிட்களாக உயர்ந்துள்ளது, அதே நேரத்தில் வணிக வாகனங்களின் விற்பனை மார்ச் 2021 இல் 6,440 யூனிட்களுடன் ஒப்பிடும்போது மார்ச் மாதத்தில் 7,320 யூனிட்களாக உயர்ந்துள்ளது.

2021 ஆம் ஆண்டின் இதே காலப்பகுதியில் 148,155 யூனிட்கள் விற்பனை செய்யப்பட்டதை ஒப்பிடுகையில், 2022 ஆம் ஆண்டு மார்ச் மாதத்திற்கான விற்பனை அளவு 12.8 சதவீதம்  அதிகரித்து 159,752 யூனிட்டுகளாக இருந்தது என்றும் MAA தெரிவித்துள்ளது.

FMT