முன்னாள் பிரதம மந்திரி டாக்டர் மகாதீர் முகமட் தான் மலாய்க்காரர் அல்ல என்பதை நிரூபிக்க அம்னோ தலைவர் அஹ்மட் ஜாஹிட் ஹமிடியை முன்வர வேண்டும் என்கிறார்.
அவதூறான குற்றச்சாட்டை முன்வைத்ததற்காக அந்த பகான் டத்தோ எம்பி மன்னிப்பு கேட்கவில்லை என்றால் அவர் மீதும் வழக்கு தொடரப்போவதாக மகாதீர் கூறினார்
“ஒரு மலாய்க்காரர் என்ற எனது அடையாளம் சர்ச்சையில் உள்ளது என்பதற்கான ஆதாரத்தைக் காட்டுமாறு ஜாஹிட்டுக்கு நான் சவால் விடுகிறேன்.”
“அவர் மன்னிப்பு கேட்காவிட்டால், அவதூறுகளை திரும்பப் பெறவில்லை என்றால், நான் சட்ட நடவடிக்கை எடுப்பேன்,” என்று நேற்று மகாதீர் ஒரு அறிக்கையில் கூறினார்.
2017 ஆம் ஆண்டில், உள்துறை அமைச்சராக இருந்தபோது, ஜாஹித் கூறியதைதான் மகாதீர் குறிப்பிடுகிறார்.
ஜாஹிட் ஒரு முன்னாள் அடையாள அட்டையின் (IC) நகலை காட்டி அதில் அவரது பெயர் “மகாதிர் அ/எல் இஸ்கந்தர் குட்டி” என்று குறிப்பிடப்பட்டிருந்ததை காட்டினார். “எனவே அவர் (மகாதீர்) மலாய்க்காரர்கள் மறதியானவர்கள் என்று கூறியது சரிதான், ஏனென்றால் அவர் இஸ்கந்தர் குட்டியின் மகன்.
“மலாய்க்காரர்களைப் பயன்படுத்துவதற்காக மலாய் நிகழ்ச்சி நிரலுக்காகப் போராடியவர் இவர்தான்” என்று ஜாஹிட் கூறியிருந்தார்.
“a/l” என்பதன் சுருக்கம், அதாவது “மகன்”, பொதுவாக இந்திய மலேசியர்களால் பயன்படுத்தப்படுகிறது, இருப்பினும் இது சில பழங்குடியினரால் பயன்படுத்தப்படுகிறது. “குட்டி” என்பது ஒரு பொதுவான தமிழ் பெயர்.
மலாய் ஆண் பெயர்கள் பொதுவாக “bin” என்ற தலைப்பைக் கொண்டுள்ளன, இது “மகன்” என்று பொருள்படும் அரபு வார்த்தையாகும்.
அரசியலமைப்பு ரீதியாக மலாய்
மகாதீர் இன்று சமூக ஊடகங்கள் பதிவில், தனது பிறப்புச் சான்றிதழ் மற்றும் அடையாள அட்டை ஆகிய இரண்டும் தனது பெயரை மகாதீர் பின் முகமது என்று குறிப்பிடுவதாகக் கூறினார், மேலும் ஜாஹிட் ஒருபோதும் அவர் சொன்னதை நிரூபிக்கவில்லை என்று கூறினார்.
“நான் பிரதமராக இருந்த 22 ஆண்டுகளில் நான் இந்தியர் என்றும் மலாய்க்காரர்களைப் பயன்படுத்தியதாகவும் குற்றம் சாட்டுவதற்காக ஜாஹிட் இந்த வழியில் (என் பெயர் மகாதீர் மற்றும் இஸ்கந்தர் குட்டி) கூறினார்,” என்று அவர் கூறினார்.
தான் இந்திய வம்சாவளியை சார்ந்தவர் என்பதை ஒருபோதும் மறுக்கவில்லை என்று அவர் மீண்டும் கூறினார்.
இருப்பினும், தனது பெற்றோர் இருவரும் சுகந்திரத்திற்கு முன்பே மலாயாவில் பிறந்தவர்கள் என்றும், குடும்பம் மலாய் மொழி பேசுவதாகவும், மலாய் கலாச்சாரத்தை கடைப்பிடிப்பதாகவும் அவர் வலியுறுத்தினார்.
எனவே, மலாய்காரராக இருப்பதற்கு 160வது பிரிவின்படி அனைத்து அரசியலமைப்புத் தேவைகளையும் பூர்த்தி செய்ததாக அவர் கூறினார்
தனக்கு எதிராக ஜாஹிட் தொடர்ந்த அவதூறு வழக்குக்கு பதிலடி கொடுக்கும் வகையில் இந்த 2017 ஆம் ஆண்டு பிரச்சினையை மகாதீர் மீட்டெடுத்தார்.
அம்னோ தலைவர் ஜாஹிட் பெஜுவாங் தலைவர் மகாதீரின் மீது வழக்குத் தொடுத்துள்ளார். ஜாஹிட் கிரிமினல் குற்றச்சாட்டுக்களை எதிர்கொள்வார் என்ற பயத்தில் தனது பக்கம் வர முயற்சிக்க தன்னை சந்தித்தார் என்ற கூற்று பொய் என்று வழக்குத் தொடுத்துள்ளார்.
பிப்ரவரியில் நடந்த செய்தியாளர் கூட்டத்தில் மகாதீர், 2018ல் பதவியேற்பதற்கு முன்பு இது நடந்ததாகக் கூறினார் , ஆனால் அவர் பிரதம மந்திரியாவார் என்பது தெளிவாகத் தெரிந்தது. இருப்பினும், மகாதீர் இன்று தனது பதிவில், இது தான் பிரதமராக இருந்தபோது நடந்தது என்று கூறினார்.
மகாதீர் தனது பதிவில் ஜாஹிட் ஒரு கட்டாயப் பொய்யர் என்கிறார்.
