கோலாலம்பூரில், வரும் வெள்ளிக்கிழமை (ஜூன் 17) நடைபெறும் “நீதித்துறையின் சுயேட்சைக்கான  நடைபயணம்” நிகழ்ச்சியில் கலந்து கொள்ளுமாறு மலேசிய முன்னாள் வழக்கறிஞர் மன்ற தலைவர் அம்பிகா ஸ்ரீநீவாசன் அனைத்து வழக்கறிஞர்களையும் மீண்டும் வலியுறுத்தியுள்ளார்.

கடந்த மாத தொடக்கத்தில் நீதித்துறை மிரட்டல் குற்றச்சாட்டுகளுக்கு மத்தியில் இது நிகழ்ந்துள்ளது.

“எல்லா வழக்கறிஞர்களையும் அழையுங்கள்! உங்கள் தொழில் வாழ்க்கையின் மிக முக்கியமான பயணங்களில் ஒன்றிற்கு தயாராகுங்கள்”.

“வரும் வெள்ளிக்கிழமை (ஜூன் 17) காலை 10 மணிக்கு நீதித்துறையின் சுதந்திரத்திற்கான நடைபயணம், பாடாங் மெர்போக்!( Padang Merbok!) தயவுசெய்து மறு ட்வீட் செய்யுங்கள்!” என்று அம்பிகா தனது ட்விட்டரில் நேற்று(13/6) தெரிவித்துள்ளார்.

மே மாத தொடக்கத்தில், அம்பிகா உள்ளிட்ட முன்னாள் வழக்கறிஞர் மன்றத் தலைவர்கள் குழு மற்றொரு “நீதிக்கான நடை”க்கு அழுத்தம் கொடுத்தது.

நீதித்துறையில் “தலையிட முயல்பவர்களுக்கு” தெளிவான செய்தியை அனுப்ப வழக்கறிஞர் மன்றம் நடைப்பயணத்தை ஏற்பாடு செய்ய வேண்டும்,” என்று அவர்கள் ஆன்லைன் மனுவைத் தொடங்கினர்.

அம்பிகாவைத் தவிர, இந்த மனுவின் மற்ற அமைப்பாளர்கள் சக மலேசிய வழக்கறிஞர் மன்றத் தலைவர்களாக இருந்த  மஹ் வெங் குவாய்(Mah Weng Kwai), குத்துபுல் ஜமான் புகாரி(Kuthubul Zaman Bukhari), இயோ யாங் போ(Yeo Yang Poh), லிம் சீ வீ(Lim Chee Wee) மற்றும் ஸ்டீவன் திரு(Steven Thiru) ஆகியோரும் அடங்குவர்.

எல்லை மீறிப் போய்விட்டது

ஏப்ரல் பிற்பகுதியில், தலைமை நீதிபதி தெங்கு மைமுன் துவான் மாட், நீதித்துறை மீதான விமர்சனங்கள் வெகுதூரம் சென்றுவிட்டதாகக் கூறினார்

மலேசிய ஊழல் எதிர்ப்பு ஆணையம் (MACC) மேல்முறையீட்டு நீதிமன்ற நீதிபதி முகமட் நஸ்லான் முகமட் கசாலியிடம் விவரிக்க முடியாத சொத்து இருப்பதாகக் கூறி அரசியல் வலைப்பதிவின் இடுகையைத் தொடர்ந்து அவருக்கு எதிராக விசாரணையைத் தொடங்கியது.

நஸ்லான், உயர் நீதிமன்ற நீதிபதியாக பணியாற்றிய போது, ​​முன்னாள் பிரதமர் நஜிப் ரசாக் ஊழல், பணமோசடி மற்றும் அதிகாரத்தை துஷ்பிரயோகம் செய்ததாக தீர்ப்பளித்தார்.

2007ல், வழக்கறிஞர் மன்றத்தின் அப்போதைய தலைவர் அம்பிகா ஸ்ரீநிவாசன் தலைமையில் சுமார் 2,000 வழக்கறிஞர்கள் நீதித்துறை தலையீடு குற்றச்சாட்டுகளுக்கு எதிராக ஊர்வலம் நடத்தினர்.

நீதிபதிகளின் நியமனத்தில் செல்வாக்கு செலுத்துவது குறித்து இப்போது தடை செய்யப்பட்ட வழக்கறிஞர் வி.கே.லிங்கம் பேசுவதைக் காட்டும் ஒரு ஆடியோ பதிவு கசிந்த பின்னர் இது நேர்ந்தது.

ராயல் விசாரணை கமிஷன் பதிவின் நம்பகத்தன்மையை உறுதிசெய்தது மற்றும் கடந்தகால கேள்விக்குரிய தீர்ப்புகளின் மீது ஒரு கவனத்தையும் ஈர்த்தது.

இந்த ஊழல் இறுதியில் நீதிபதிகள் நியமன ஆணையத்தை நிறுவ வழிவகுத்தது.