முன்கூட்டியே தேர்தலை நடத்துவதற்காக நாடாளுமன்றத்தை கலைப்பதற்கான அழுத்தம், சிலர் நடந்து வரும் நீதிமன்ற வழக்குகளில் இருந்து தப்பிக்க ஒரு சாக்குப்போக்கு மட்டுமே என்று PKR தலைவர் அன்வார் இப்ராஹிம் கூறினார்.

15 வது பொதுத் தேர்தலுக்கு (GE15) வழிவகுப்பதற்காக  நாடாளுமன்றத்தைக் கலைக்க வேண்டும் என்று சில தலைவர்கள் – முக்கியமாக அம்னோவிலிருந்து – வலியுறுத்தியதை அடுத்து அவர் இதனைக் கூறினார்.

“நாடாளுமன்றத்தை ஏன் கலைக்க வேண்டும்? நீதிமன்றக் குழு அவர்களின் வழக்குகளைத் தீர்க்க விரும்புவதால் தான்”.

“அவர்கள் GE15 ஐ வென்றால், அவர்கள் வழக்குகளை மூட முடியும் என்பதை நினைவில் கொள்ளுங்கள். அதனால்தான் முன்மொழியப்பட்ட கலைப்புக்கான காரணத்தை நாங்கள் மறுக்கிறோம்,” என்று சிலாங்கூரின் ராவாங்கில் இன்று கட்சி உறுப்பினர்களுடன் ஒரு கூட்டத்தை நடத்திய பின்னர் அவர் செய்தியாளர்களிடம் கூறினார்.

அரசாங்கத்திற்கும் பக்காத்தான் ஹராப்பான்  இடையிலான புரிந்துணர்வு ஒப்பந்தம் ஜூலை 31 ஆம் தேதி காலாவதியான பின்னர் தேர்தலுக்காக காத்திருக்கத் தயாராக இருப்பதாக அம்னோ தலைவர்கள் தெரிவித்தனர்.

நாடாளுமன்றத்தை கலைக்குமாறு பிரதமர் இஸ்மாயில் சப்ரி யாகோப் மீது தொடர்ந்து அழுத்தம் கொடுக்கும் தலைவர்களில் அம்னோ தலைவர் அஹ்மத் ஜாஹிடி ஹமிடி மற்றும் முன்னாள் பிரதமர் நஜிப் அப்துல் ரசாக் ஆகியோரும் அடங்குவர்.

இரு தலைவர்களும் தற்போது ஊழல் மற்றும் அதிகார துஷ்பிரயோகம் சம்பந்தப்பட்ட நீதிமன்ற வழக்குகளை எதிர்கொள்கின்றனர், எனவே இவர்களுக்கு ‘நீதிமன்ற குழு’ என்ற முத்திரை குத்தப்படுகிறது.

இதற்கிடையில், நாடாளுமன்றம் விரைவில் கலைக்கப்பட்டால் GE15 ஐ எதிர்கொள்ள ஹராப்பான் தயாராக இருப்பதாக அன்வார் கூறினார்.

“மக்களிடம் இருந்து நல்ல வரவேற்பு கிடைத்துள்ளது”,  என்றார்.