நாட்டின் உணவுப் பாதுகாப்பை மேம்படுத்த, கூட்டாட்சி நிலத்தில் உணவுப் பயிர் உற்பத்திக்கு மத்திய நில மேம்பாட்டு ஆணையம் ஃபெல்டா பொறுப்பேற்க வேண்டும் என்று பிகேஆரின் ரஃபிஸி ரம்லி பரிந்துரைத்துள்ளார்.

அத்தகைய முயற்சி, பெட்ரோலியம் தொழில்துறையை நிர்வகிப்பதில் பெட்ரோனாஸ் வகித்த பங்கைப் போலவே இருக்கும்.

“இந்த விஷயத்தை அரசாங்கத்தால் பரிசீலிக்க முடியும், ஏனெனில்  ஏற்கனவே ஏராளமான முகவர்கள் மற்றும் அரசாங்கத்துடன் இணைக்கப்பட்ட நிறுவனங்களுக்கு இந்த ஆணையை வழங்க முடியும்,” என்று கட்சியின்  துணைத் தலைவரான இவர் கூறினார்.

குடியேற்றவாசிகளுக்கு சொந்தமான நிலத்தை நிர்வகித்து வந்த ஃபெல்டா துணை நிறுவனமான ஃபெல்டா டெக்னோபிளாண்ட் இந்த முயற்சியில் பங்கு வகிக்க முடியும் என்றும் ரஃபிஸி கூறினார்.

ஃபெல்டா டெக்னோபிளாண்ட், பொருத்தமான நிலம் மற்றும் பயிர் வகைகளை அடையாளம் காண முடியும், அத்துடன் குடியேறியவர்களுக்கு பல்வேறு திட்டங்களை கொண்டு வர முடியும்.

FGV ஹோல்ங்ஸ் பெர்ஹாட்  நிறுவனத்திற்கு குத்தகைக்கு விடப்பட்ட ஃபெல்டா விளைநிலங்களை உணவுப் பயிர்களை பயிரிட விவசாய நிலமாக மாற்ற வேண்டும் .

புத்ராஜெயாவிற்கு நில பயன்பாட்டின் நிலையை மாற்றும் அதிகாரம் இருப்பதால் இந்த நடவடிக்கைகளை செயல்படுத்துவதில் எந்த பிரச்சனையும் இருக்கக்கூடாது என்று ரஃபிஸி கூறினார்.

கடந்த மாதம், பிரதம மந்திரி இஸ்மாயில் சப்ரி யாக்கோப், விவசாயத்திற்கு அதிக நிலம் ஒதுக்க மாநில அரசுகள் ஒப்புக்கொண்டதாக தெரிவித்தார்.

மலேசியாவில் 700,000 ஹெக்டேர் நிலம் உணவுப் பயிர்களை பயிரிடப் பயன்படுத்தப்பட்ட நிலையில், ஐந்து மில்லியன் ஹெக்டேர் நிலப்பரப்பில் செம்பனை பயிரிடப் பயன்படுத்தப்பட்டதைக் கருத்தில் கொண்டு, கொள்கைகளை கொண்டு வருவதன் மூலம் செம்பனை தோட்டங்களுக்கான நில பயன்பாட்டை உணவுப் பயிர்களாக மாற்றுவதற்கான முயற்சிகளுக்கு புத்ராஜெயா பொறுப்பேற்றால் மட்டுமே இந்த மையமானது செயல்பட முடியும் என்று முன்னாள் பாண்டன் எம்.பி ரஃபிஸி கூறினார்.

“அரசாங்கம் இந்த கொள்கைகள் செய்யவில்லை என்றால், இந்த மையம்  வேலை செய்யாது,” என்று அவர் கூறினார்.

தற்போது, ​​சரவாக்கில் அத்தகைய முன்னோடி நடந்து வருகிறது, அங்கு செம்பனை  மரங்களை நடவு செய்வதற்கும் உணவுத் தொழிலுக்கு மாறுவதற்கும் நிலத்தைப் பயன்படுத்துவதை மாநிலம் கட்டுப்படுத்துகிறது என்று மாநில முதல்வர் அபாங் ஜோஹாரி ஓபன் தெரிவித்துள்ளார்.

FMT