தொற்றுநோய்களின் அதிகரிப்புக்கு மத்தியில், இணை நோய்கள் இல்லாத 50-59 வயதினருக்கு இரண்டாவது கோவிட் -19 பூஸ்டர் தடுப்பூசியை அரசாங்கம் வழங்குகிறது.

இந்த அறிவிப்பை சுகாதார அமைச்சர் கைரி ஜமாலுதீன் இன்று நாடாளுமன்றத்தில் வெளியிட்டார்.

முன்னதாக, நான்காவது டோஸ் 60 வயதிற்கு மேற்பட்டவர்களுக்கும், இணை நோய்கள் உள்ளவர்களுக்கும், வெளிநாட்டிற்குச் செல்பவர்களுக்கும் மட்டுமே கிடைத்தது

நேர்வுகளின் தற்போதைய அதிகரிப்புக்கு BA.5 மாறுபாடு காரணமாகும், இது ஓமிக்ரான் மாறுபாட்டின் துணைவரிசையாகும் என்று கைரி கூறினார்.

சுகாதார அமைச்சர் கைரி ஜமாலுதீன்

இது மற்ற ஓமிக்ரான் துணை வகைகளை விட அதிக தொற்றும் நோயாகும், மேலும் தடுப்பூசிகளால் உருவாக்கப்படும் ஆன்டிபயோடிகளுக்கு அதிக எதிர்ப்பைக் கொண்டுள்ளது என்று அவர் மேலும் கூறினார்.

இணை நோய்கள் இல்லாத 18 முதல் 49 வயதிற்குட்பட்டவர்களுக்கு இரண்டாவது பூஸ்டர் வழங்குவதை அவர் குறிப்பிடவில்லை.

முன்னதாக, அதிக ஆபத்து இல்லாத 60 வயதிற்குட்பட்டவர்களுக்கு பூஸ்டர்களுக்கான முடிவு இந்த வாரம் எடுக்கப்படும் என்று கைரி கூறியிருந்தார்.

இதற்கிடையில், கோவிட் -19 பரவுவதைத் தடுக்க அரசாங்கம் SOP க்களை மீண்டும் அறிமுகப்படுத்துமா என்று கேட்டதற்கு, நேர்வுகளின் எண்ணிக்கை தொடர்ந்து அதிகரித்தால் இது பரிசீலிக்கப்படும் என்று அமைச்சர் மீண்டும் வலியுறுத்தினார்

எவ்வாறாயினும், நேர்வுகளைக் குறைக்க உதவும் வகையில் பொதுமக்கள் தங்களைத் தாங்களே பாதுகாத்துக் கொள்வார்கள் என்று அவர் நம்பிக்கை தெரிவித்தார்.