ராமாட் அபு பக்கர், தனது மாமாவான முன்னாள் பிரதம மந்திரி டாக்டர் மகாதீர் முகமட்டுக்கு அரசியல் நன்கொடை அளித்ததாகக் கூறப்படும் அல்ட்ரா கிரான Sdn Bhd (UKSB) க்கு இடைத்தரகராக செயல்பட்டார் என்ற குற்றச்சாட்டை மறுத்துள்ளார்.
மாறாக, UKSB நிறுவனத்தில் சிக்கல் இருப்பதை உணர்ந்து, அதன் தலைவர் மற்றும் ஆலோசகராகப் பெற்ற பணத்தைத் திரும்ப கொடுத்து, UKSB உடனான உறவுகளைத் துண்டித்துக்கொண்டதாக அவர் கூறினார்.
UKSB இன் முன்னாள் நிர்வாக மேலாளர் டேவிட் தான் சியோங் சன் நீதிமன்றத்தில் சாட்சியமளித்ததை அடுத்து, அந்த நிறுவனம் மகாதீரின் மருமகன் ரமாட் மூலம் மகாதீருக்கும் (மேலே) பெர்சத்துவுக்கும் RM2.6 மில்லியன் வழங்கியதாக நீதிமன்றத்தில் சாட்சியமளித்த பின்னர் அவர் இவ்வாறு கூறினார்.
இருப்பினும், தானின் கூற்று “தவறானது, அவதூறானது மற்றும் தீங்கிழைக்கும்” என்று ரமாட் கூறினார், மேலும் அவர் UKSB இலிருந்து அவ்வளவு பணத்தைப் பெறவில்லை என்றார்.
இன்றைய அறிக்கையில், அவர் ஜூலை 13, 2018 அன்று UKSB இன் தலைவர் மற்றும் ஆலோசகராக நியமிக்கப்பட்டார் என்று கூறினார். மேலும், அவருக்கு மாதம் 1.3 மில்லியன் ரிங்கிட் சம்பளமும் நிறுவனத்தில் 50 சதவீத பங்குகள் வழங்கப்படும் என்றும் அவர் கூறினார்.
“இதுதான் நான் பணமாக பெற்ற தொகை. பின்னர், பணத்தை UKSB-க்கு திருப்பி அனுப்பினேன், ஏனெனில் அதன்மீது எனக்கு சந்தேகம் வந்தது,” என்று அவர் கூறினார்.
2018 ஆம் ஆண்டு நவம்பர் 14 ஆம் தேதி தனது UKSB பதவிகளில் இருந்து, ‘ஆளுமை, நேர்மை மற்றும் ஊழல் எதிர்ப்புக்கான தேசிய மையத்தின்’ தலைமை இயக்குநராக இருந்த அபு காசிம் முகமதுவின் ஆலோசனையின் பேரில் ராஜினாமா செய்ததாக அவர் கூறினார்.
UKSB ஒரு பிரச்சனைக்குரிய நிறுவனம் என்ற தகவலின் அடிப்படையில் தான் அவரின் ஆலோசனையைப் பின்பற்றியதாகவும். UKSB உடன் இணைக்கப்பட்டிருப்பது தீங்கு என்று உணர்ததால் அந்த நிறுவனத்தில் எந்த பதவியும் எடுக்க வேண்டும் என்ற எண்ணத்தையும் கைவிட்டேன் என்றார்.
“எனது அனைத்து நடவடிக்கைகளும் எனக்கும் தொடர்புடைய தரப்பினருக்கும் இடையிலான கடிதப் பரிமாற்றத்தில் பதிவு செய்யப்பட்டுள்ளன. இது UKSB இன் நிர்வாகப் பதிவின் ஒரு பகுதியாகும் மற்றும் கடிதங்கள் மற்றும் ஆவணங்களால் ஆதரிக்கப்படாத லெட்ஜரை அடிப்படையாகக் கொண்ட தானின் அறிக்கைக்கு முரணானது.”
“எனவே, RM2.6 மில்லியன் அரசியல் பங்களிப்பு தொடர்பான அறிக்கை தவறானது, அவதூறானது மற்றும் தீங்கிழைக்கும் வகையில் உள்ளது என்பதை நான் மீண்டும் வலியுறுத்த விரும்புகிறேன்.
“மகாதிர் இதில் ஈடுபடவில்லை மற்றும் UKSB உடனான எனது தொடர்புகள் பற்றி அவர் அறிந்திருக்கவில்லை. தான் தனது பொய்க் குற்றச்சாட்டை வாபஸ் பெறாவிட்டால், உரிய நடவடிக்கை எடுப்பேன்,” என, தான் எடுக்க திட்டமிட்டுள்ள நடவடிக்கையை குறிப்பிடாமல் கூறினார்.
அம்னோ தலைவர் அஹ்மட் ஜாஹிட் ஹமிடியின் வெளிநாட்டு விசா முறை தொடர்பான ஊழல் வழக்கு விசாரணையில் தான் சாட்சியம் அளித்தபோது, ரமாட் வழியாக மகாதீருக்கு UKSB வழங்கியதாகக் கூறப்படும் அரசியல் நன்கொடையை அவர் வெளிப்படுத்தினார்.
தானின் கூற்றுப்படி, UKSB ரகசிய லெட்ஜரில் ரஹ்மத் “கெடஹான்” என்ற குறியீட்டுப் பெயரைப் பெற்றிருந்தார், ஆனால் ரமாட்டுக்கு பணம் கொடுக்கப்பட்டதை அவர் தனிப்பட்ட முறையில் பார்க்கவில்லை என்று அவர் கூறினார்.
மகாதீரும் இந்த குற்றச்சாட்டுகளை மறுத்துள்ளார், அவர் தான் பணம் எதுவும் பெறவில்லை என்றும் குற்றம் சாட்டப்பட்டவர் தனது கூற்றுகளுக்கு ஆதாரம் காட்ட வேண்டும் என்றும் கூறினார்.
