BN உடன் அரசாங்கத்தை அமைக்கும் அனைத்து கட்சிகளும் நாடாளுமன்றத்தை கலைக்கும் முடிவை எடுப்பதில் ஈடுபட வேண்டும், இதில் கூட்டணிகளான பெரிகத்தான் நேசனல் (PN) மற்றும் காபோங்கன் பார்டி சரவாக் ஆகியவை அடங்கும் என்று சுற்றுச்சூழல் மற்றும் நீர் அமைச்சர் துவான் இப்ராஹிம் துவான் மான் கூறினார்.

பிரதமர் இஸ்மாயில் சப்ரி யாகோப்பின் நிர்வாகம் BN மற்றும் அம்னோவின் மேலாதிக்கத்தில் இல்லை என்பதை பாஸ் துணைத் தலைவர் நினைவூட்டினார்.

“இந்தச் சூழ்நிலையில், பொதுத் தேர்தலை விரைவுபடுத்துவது மட்டுமல்லாமல், நாட்டின் பொருளாதாரத்தின் மக்கள் நலன் மற்றும் நிலையின் அம்சத்தையும் கவனிப்பதற்கும் முன்னுரிமை அளிக்கப்படுகிறது”.

“ஒரு அரசியல் கட்சி தேர்தலை எதிர்கொள்ளப் பயப்படுவது அல்லது தயாராக இல்லாதது பற்றியது அல்ல, ஆனால் சில தரப்பினர் ஒருதலைப்பட்சமாகப் பிரதமருக்கு அழுத்தம் கொடுக்கும் நடவடிக்கைகளோடு  அரசாங்கத்தின் யதார்த்தங்களையும் கணக்கில் எடுத்துக் கொள்ள வேண்டும்,” என்று துவான் இப்ராஹிம் (மேலே) கூறினார்.

PAS  மற்றும் பிற PN கட்சிகள் எந்தச் சூழ்நிலைக்கும் தயாராக உள்ளன, இஸ்லாமிய கட்சி அதன் மாநில அளவிலான தேர்தல் இயந்திரத்தைக் கூட்டத் தொடங்கியுள்ளது என்று கூறிய அவர், தேசிய மாநாடு  செப்டம்பர் 3 அன்று அதன் முக்தாமருடன்(muktamar) இணைந்து இருக்கும் என்றும் கூறினார்.

“PN அதன் இரண்டு ஆண்டு நிறைவுடன் இணைந்து ஆகஸ்ட் 27 அன்று அதன் தேர்தல் இயந்திரத்தையும் அறிமுகப்படுத்தும்,” என்று அவர் கூறினார்.

பெரும்பாமையற்ற பார்லிமென்ட் பயம்

அம்னோ தலைவர் அஹ்மட் ஜாஹிட் ஹமிடி

முன்னதாக, அம்னோ தலைவர் அஹ்மத் ஜாஹிட் ஹமிடி, பெரும்பாமையற்ற நாடாளுமன்றம் குறித்த அச்சத்தை GE15 ஐ தாமதப்படுத்த ஒரு சாக்குப்போக்காகப் பயன்படுத்தக் கூடாது என்று முகநூலில் கூறினார், நேற்று இஸ்மாயில் சப்ரி கலந்து கொண்ட கெலுவார்கா மலேசியா கருத்தரங்கில் ஒரு பேச்சாளராக அரசியல் ஆய்வாளர் வோங் சின் ஹூவாட் கருத்து தெரிவித்ததை மேற்கோள் காட்டினார்.

பிரதமர் நேற்று தொங்கும் பாராளுமன்றம் அல்லது எந்தவொரு கூட்டணி பங்காளர்களும் இல்லாமல் அரசாங்கத்தை அமைப்பதற்கு எந்த ஒரு தனிக் கட்சியும் போதுமான இடங்களைப் பெற முடியாத ஒரு சூழ்நிலைகுறித்து கவலைகளை எழுப்பியிருந்தார்.

14 வது பொதுத் தேர்தலுக்குப் பிறகு அம்னோவும் PASம் Muafakat Nasional சாசனத்தில் கையெழுத்திட்டன.

இருப்பினும், பெர்சத்து தலைமையிலான PN கூட்டணியில் சேர பாஸ் முடிவு செய்தபின்னர் இரு கட்சிகளுக்கும் இடையே விரிசல்கள் எழுந்தன.

பெர்சத்து தலைவர் முஹைதீன் யாசின் பிரதம மந்திரியாக வீழ்ந்த பின்னரும் கூட, பாஸ் மற்றும் பெர்சத்து அமைச்சர்கள் இஸ்மாயில் சப்ரி மற்றும் BN கீழ் அரசாங்கத்தில் நீடித்தனர்