இன்று உச்ச நீதிமன்றத்தில் மேல்முறையீடு தோல்வியடைந்த நிலையில், முன்னாள் பிரதம மந்திரி நஜிப் அப்துல் ரசாக், 1MDB இன் முன்னாள் துணை நிறுவனமான SRC International Sdn Bhd க்கு சொந்தமான RM42 மில்லியனை முறைகேடாகப் பயன்படுத்தியதற்காக குற்றவாளி என்ற தீர்ப்பை ரத்து செய்ய நீதிமன்ற அமைப்பில் மேலும் ஒரு வழி உள்ளது.

அதாவது இன்று வழங்கப்பட்ட தீர்ப்பை மறுபரிசீலனை செய்ய நீதிபதிகள் குழுவைக் கோரி அவர் உச்ச நீதிமன்றத்தில் ஒரு மறுஆய்வுக்கு விண்ணப்பம் செய்யலாம்.

இது உச்ச நீதிமன்றத்தின் 1995 விதிகளின் விதி 137 மூலம் உச்ச நீதிமன்றத்தின் உள்ளார்ந்த அதிகாரத்தின் கீழ் வருகிறது. பின்வருவனவற்றை வழங்குகிறது:

அதன்படி, ” அநீதியைத் தடுக்க அல்லது துஷ்பிரயோகத்தைத் தடுக்கத் சந்தேகங்களை நீக்குவதற்கும், எந்தவொரு விண்ணப்பத்தையும் விசாரிக்க அல்லது தேவையான எந்த உத்தரவையும் பிறப்பிக்க, நீதிமன்றத்தின் உள்ளார்ந்த அதிகாரங்கள் உள்ளன”. இதன் வழி அவர் மறுஆய்வு விண்ணப்பம் செய்யலாம்.

இருப்பினும், மறுஆய்வு முடிவடையும் வரை அவர் சிறையில் இருந்து தப்பிக்க முடியும் என்று அர்த்தமில்லை. அவர் 12 ஆண்டுகள் சிறைத்தண்டனையை அனுபவிக்கத் தொடங்க வேண்டும்.

மறுஆய்வு என்பது மேல்முறையீட்டிலிருந்து வேறுபட்டது, ஏனெனில் அது முடிவின் தகுதியைப் பற்றியது அல்ல, அது செயல்முறை சட்டப்பூர்வமானதா என்பதைப் பற்றியது.

நீதித்துறை மறுஆய்வுக்கு, மூன்று காரணங்களை காட்ட வேண்டும்.  தண்டனை சட்டவிரோதமானது, அநியாயமானது அல்லது பகுத்தறிவற்ற தன்மை மற்றும் நடைமுறை முறைகேடு கொண்டது.

இந்த வழக்கில், நஜிப் தனது வழக்கறிஞர் குழு புதியது மற்றும் அவரது வழக்கைத் தயாரிக்க போதுமான நேரம் இல்லாததால், அவருக்கு உரிய நடைமுறை மறுக்கப்பட்டது அநியாயமானது என்று வாதிடலாம்.

அரச மன்னிப்பு

தீர்ப்பை மறுஆய்வு செய்யும் நீதிபதிகள் குழு, முன்னாள் பிரதமர் தண்டிக்கப்பட்ட செயல்முறை சரியானது என்று கண்டறிந்தால், நஜிப்புக்கு நீதிமன்றத்தில் உள்ள அனைத்து வழிகளும் முடிந்து விடும்.  அவர் தனது  தண்டனையை அனுபவிக்கத்தான் வேண்டும்.

நல்ல நடத்தை அல்லது பரோலில் அவர் முன்கூட்டியே விடுவிக்கப்பட்டால், அவர் முழு சிறை தண்டனையையும் அனுபவிக்க வேண்டியதில்லை.

யாங் டி-பெர்டுவான் அகோங்கின் அரச மன்னிப்பைப் பெற்றால் அவரது தண்டனையும் குறைக்கப்படலாம்.

கோலாலம்பூர், லாபுவான் மற்றும் புத்ராஜெயாவில் செய்யப்பட்ட அனைத்து குற்றங்களுக்கும் மன்னிப்பு வழங்கும் அதிகாரம் அகோங்கிற்கு உள்ளது.

நஜிப்பின் தண்டனை என்பது பெக்கான் நாடாளுமன்றத் தொகுதியை அவர் இழக்கிறார் என்பதும், விடுதலைக்குப் பிறகு ஐந்து ஆண்டுகளுக்கு தேர்தலில் நிற்பதில் இருந்து அவர் தகுதி நீக்கம் செய்யப்படுவார் என்பதும் குறிப்பிடத்தக்கது.

அவர் மன்னிப்பு பெற்றால், நஜிப் சுதந்திரமாக இருப்பது மட்டுமல்லாமல், தேர்தலில் நிற்கவும் முடியும்.