நஜிப் ரசாக்கிற்கு தேவையான சிறந்த மருத்துவ சிகிச்சையை வழங்குமாறு பிரதமர் இஸ்மாயில் சப்ரி யாக்கோப் சுகாதார அமைச்சை அறிவுறுத்தியுள்ளார்.”அவர் விரைவில் குணமடைய நான் பிரார்த்திக்கிறேன்,” என்று இஸ்மாயில் தனது ட்விட்டர் பதிவில் பதிவிட்டுள்ளார்.

அம்னோ தலைவர் அமாட் ஜஹிட் ஹமிடியும் நேற்று  மாலை நஜிப்பின் நிலையை தனது முகநூலில் பதிவு செய்தார்.

நஜிப் நோய்வாய்ப்பட்ட செய்தியால் நான் மிகவும் வருத்தமடைந்ததாக கூறிய ஜாஹிட்,”அவரது குடும்பம் வலுவாக இருக்கும் என்று நான் நம்புகிறேன். நஜிப் சிறைவாசம் அனுபவித்தாலும், பாதுகாப்பாகவும் ஆரோக்கியமாகவும் இருக்கவும் மனிதாபிமானத்துடன் நடத்தப்படவும் நஜிப்பிற்கு உரிமை வழங்கப்பட வேண்டும்” என்றும் வலியுறுத்தியுள்ளார்.

சமீபத்தில் நஜிப்பிற்கு பல வயிற்றுப் புண்கள் ஏற்பட்டதாகக் கூறப்பட்டதையடுத்து, அவருக்கு முறையான மருத்துவ சிகிச்சை அளிக்க அனுமதிக்குமாறு நஜிப்பின் குடும்பத்தினர் நேற்று அரசாங்கத்திடம் மனு அளித்தனர்.

அவர் கடந்த வெள்ளிக்கிழமை கோலாலம்பூர் மருத்துவமனையில் அனுமதிக்கப்பட்டார். அவரது சிறப்பு அதிகாரியான முக்லிஸ் மக்ரிபியால், நஜிப் சனிக்கிழமையன்று ஸ்கோப் செயல்முறைக்கு உட்படுத்தப்பட்டார், அதில் மருத்துவர் வயிற்றுப் புண்களைக் கண்டுபிடித்தார் என்று கூறப்படுகிறது.

நஜிப் தன்னை மேலும் கண்காணிப்பில் வைக்குமாறு கோரியிருந்தார், ஆனால் அவரது கோரிக்கை நிராகரிக்கப்பட்டது மற்றும் அவர் டிஸ்சார்ஜ் செய்யப்பட்டார், என்று முக்லிஸ் கூறினார்.

எவ்வாறாயினும், மருத்துவமனையின் நிபுணர்கள் குழு அவரது குடும்பத்தினருடன் இந்த வழக்கைப் பற்றி விவாதித்ததாகவும், நஜிப் ஆரோக்கியமாக இருப்பதாக அறிவிக்கப்பட்ட பின்னர் அவரை டிஸ்சார்ஜ் செய்வதற்காக கூட்டாக ஒப்புக்கொண்டதாகவும் சுகாதார இயக்குநர் ஜெனரல் டாக்டர் நூர் ஹிஷாம் அப்துல்லா கூறினார்.

நஜிப் தற்போது SRC இன்டர்நேஷனல் வழக்கில் ஊழல் குற்றச்சாட்டில் 12 ஆண்டுகள் சிறைத்தண்டனை அனுபவித்து வருகிறார்.

-FMT