நாடாளுமன்றம் முன்கூட்டியே கலைக்கப்படுவது குறித்து ஒரு வாரமக  தீவிர ஊகங்கள் எஅழுந்தன. இதன் பின்னனையில்   நேற்று முன் தினம் நாடாளுமன்றத்தில் தாக்கல் செய்யப்பட்ட பட்ஜெட் 2023, பகல் வெளிச்சத்தைக் கூடக் காணுமா, என்று  கினாபாலு நாடாளுமன்ற உறுப்பினர் சான் ஃபூங் ஹின்(Chan Foong Hin),என்று கேள்வி எழுப்பினார்.

“அல்லது 2023 பட்ஜெட் என்பது அடுத்த பொதுத் தேர்தலுக்கு வாக்காளர்களுக்குக் கூட்ட  விரும்பும் இனிமையான வாக்குறுதிகளா,” என்று சான் ஒரு அறிக்கையில் கேட்டார்.

பொதுத் தேர்தல் நடத்தப்பட்டால், புதிய அரசாங்கம் 2023 ஆம் ஆண்டுக்கான வரவு செலவுத் திட்டத்தை மீண்டும் சமர்ப்பிக்க வேண்டும் என்று நிதி அமைச்சர் தெங்கு ஜஃப்ருல் அஜீஸ் நேற்று முன் தினம் தெரிவித்தார்.

இதற்கிடையில், 2023 வரவுசெலவுத் திட்டத்தில் நிதி அமைச்சகத்துடனான பக்காத்தான் ஹராப்பனின் ஈடுபாட்டின் முன்மொழிவுகள் மற்றும் கூட்டணியின் வரவுசெலவுத் திட்ட மூலோபாய ஆவணத்தில் கோடிட்டுக் காட்டப்பட்டுள்ள நடவடிக்கைகள் ஆகியவை அடங்கும் என்பது மகிழ்ச்சி அளிக்கிறது என்று சான் கூறினார்.

எடுத்துக்காட்டாக, MSME க்களுக்கான வரி குறைப்பு 17% இருந்து 15% முதல் வரிவிதிக்கத் தக்க RM100,000 க்கு வரவேற்கத்தக்கது, ஆனால் அது அவர்களின் முன்மொழிவைப் போல விரிவானது அல்ல என்று அவர் குறிப்பிடுகிறார்.

பட்ஜெட்டில் இடம் பெற்றுள்ள மற்ற ஹராப்பான் திட்டங்களில் வீட்டுக் கடன் உத்தரவாதத்தின் அதிகரிப்பு மற்றும் கிள்ளான் பள்ளத்தாக்குக்கு அப்பால் உள்ள பகுதிகளில் பேருந்துச் சேவைகள் மற்றும் நெட்வொர்க்குகளை மேம்படுத்துவதற்கான ஒதுக்கீடு ஆகியவை அடங்கும்.

எவ்வாறாயினும், ஹராப்பான் முன்மொழியப்பட்ட RM500 மில்லியனுடன் ஒப்பிடும்போது ஒதுக்கீடு RM180 மில்லியனாக மிகக் குறைவாக இருப்பதாக அவர் கூறினார்.

அதே நேரத்தில், சபா மற்றும் சரவாக்கின் தொழில்துறை திறன்களை மேம்படுத்த எந்த நடவடிக்கையும் இல்லாதது வருத்தமளிப்பதாகச் சான் கூறினார்.

ஹரப்பான் RM1 பில்லியன் மதிப்புள்ள குறிப்பிட்ட முதலீட்டு வரிச் சலுகைகள் மற்றும் அனைத்து வகையான தொழில்களையும், குறிப்பாக உற்பத்தித் துறையைச் சபா மற்றும் சரவாக்கிற்கு மாற்றுவதற்கான மானியங்களை முன்மொழிந்துள்ளதாக அவர் கூறினார்.

“இது சபா மற்றும் சரவாக்கின் மொத்த உள்நாட்டு உற்பத்தி, வேலைவாய்ப்பு மற்றும் உற்பத்தித்திறனை அதிகரிக்கவும், அந்தப் பகுதிகளிலிருந்து தொழிலாளர் இடமாற்றம் நிகழ்வதைக் குறைக்கவும் ஆகும்,” என்று அவர் கூறினார்.

அரசாங்க கொள்முதல் சட்டம் (Government Procurement Act), நாடாளுமன்ற சேவைகள் சட்டத்தின் மூலம் நாடாளுமன்ற பட்ஜெட் அலுவலகத்தை நிறுவுதல் மற்றும் சபா மற்றும் சரவாக்கின் உள்பகுதியில் உள்ள வாக்காளர்களை எளிதாக வாக்களிப்பதற்கான நடவடிக்கைகள் ஆகியவை குறிப்பிடப்படவில்லை என்றும் அவர் கூறினார்.

“1MDB, கடலோர போர்க் கப்பல் (LCS) மற்றும் SRC ஊழல் போன்ற மற்றொரு மெகா ஊழலை நாம் எதிர்காலத்தில் பார்க்காமல் இருப்பதை உறுதிசெய்ய GPA உருவாக்கம் மிகவும் முக்கியமானது,” என்று சான் கூறினார்.