2023 ஆம் ஆண்டில் ரிம430 மில்லியன் நிதி ஒதுக்கீட்டில் ஐந்து இடைநிலைப் பள்ளிகளை மட்டுமே உருவாக்கும் அரசாங்கத்தின் திட்டத்தை விவேகமாகச் சரிசெய்வதன் மூலம் பாதியாகக் குறைக்க முடியும் என்று மலேசிய தமிழர் பேரவையின்  தலைவர் கா.ஆறுமுகம் விமர்சித்தார்.

“ஒரு  இடைநிலைப்பள்ளி கட்ட  சராசரியாக ரிம83  மில்லியன் செலவழிப்பது  பெரிய தொகையாகும்”. “புத்திசாலித்தனமான செலவு மற்றும் கசிவுகளை சரி செய்வதன் மூலம் செலவைப் வெகுவாக குறைக்க முடியும்,” என்கிறார் அவர்.

2023 பட்ஜெட்டின் கீழ் தமிழ்ப் பள்ளிகளைப் பராமரிப்பதற்கு குறிப்பிட்ட நிதி எதுவும் இல்லை என்றும், அனைத்து பள்ளிகளுக்கும் RM1.1 பில்லியனாக நிர்ணயிக்கப்பட்ட கூட்டு ஒதுக்கீடு மட்டுமே என்றும் ஆறுமுகம் சுட்டிக்காட்டினார்.

உயர்கல்விக்கான ரிம15.1 பில்லியன் ஒதுக்கீடு  “ஒருதலைபட்சமானது அதில் பெரும்பான்மை ஒரு குறிப்பிட்ட இனத்தின்  ஒதுக்கீடாகவே இருக்கிறது.

பல்வேறு பொதுப் பல்கலைக்கழகங்கள், UiTM மற்றும் பிற வெளிநாட்டுக் கல்வித் திட்டங்கள்மூலம் உயர்கல்வி ஒதுக்கீடு பெரும்பாலும் பூமிபுத்திரா கல்விக்குத்தான் பயனளிக்கும் என்று ஆறுமுகம் விளக்கினார்.

“உறுதியான கொள்கை கட்டமைப்பை அடிப்படை இல்லாத ஒதுக்கீடுகள்  அதன் விரும்பிய முடிவைத் தர இயலாது, நாடு முன்னேற வேண்டுமானால் திறன்களும் திறைமைகளும் வளர்க்கப்படவேண்டும்”.

“இன அடிப்படை  இன அடையாள அரசியல் ஊறியுள்ள  அரசாங்கம் படிப்படியாகத் தகுதி அடிப்படைக்கு கவனம் செலுத்த வேண்டிய நேரம் இது,” என்று அவர் கூறினார்.

எவ்வாறாயினும், கடந்த ஆண்டைவிட பொது உயர்கல்வி நிறுவனங்களுக்கான ஒதுக்கீட்டிலும் குறிப்பிடத் தக்க குறைவு ஏற்பட்டுள்ளதாக முன்னாள் கல்வி அமைச்சர் மஸ்லீ மாலிக் டுவிட்டரில் சுட்டிக்காட்டியுள்ளார்.

“கோவிட் -19 தொற்றுநோய்க்குப் பிறகு  அனைவரும் அந்தந்த வளாகங்களை மீண்டும் திறக்கப் போராடுகிறார்கள் என்ற உண்மை இருந்தபோதிலும் இது உள்ளது,” என்று முன்னாள் பல்கலைக்கழக விரிவுரையாளர் கூறினார்.

இதற்கிடையில், பிகேஆர் துணைத் தலைவர் ரபிசி ரம்லி டிவி3 க்கு அளித்த பேட்டியில், மலேசியா முழுவதற்கும் ஐந்து புதிய பள்ளிகளை மட்டும் கட்டுவது கவலையளிக்கிறது என்றார்.

புதிய பள்ளிகளின் எண்ணிக்கை குறைவாக இருப்பது மக்கள்தொகை வளர்ச்சி மற்றும் ஒவ்வொரு வகுப்பிலும் மாணவர்களின் எண்ணிக்கையைக் குறைக்கும் நோக்கமே காரணம் என அவர் கவலை தெரிவித்தார்.

இனம் சார்ந்த கொள்கைகள் தரத்தைச் சமரசம் செய்கின்றன

ஆறுமுகம் அரசாங்கம் ஒரு உலகமயமாக்கப்பட்ட உலகத்திற்கு “விழித்தெழுந்து” குறைந்து வரும் நமது நாட்டின் கல்வித் தரத்தைச் சீர்செய்ய முயற்சிக்க வேண்டும் என்று வலியுறுத்தினார்.

இனவாத  அடையாளத்தில் வேரூன்றியுள்ள கல்விக் கொள்கைகள், கற்றல்  கற்பித்தலின் தரத்தைச் சமரசம் செய்திருப்பதாக அவர் விளக்கினார்.

“பட்ஜெட் ஒதுக்கீட்டை அதிகரிப்பதின் வழி மட்டும் கல்வியின் தரத்தை  மேம்படுத்த இயலாது,” என்று அவர் கூறினார்.

ஒட்டுமொத்தமாகப் பட்ஜெட் 2023 குறித்து கருத்து தெரிவித்த ஆறுமுகம், மக்களிடையே பண புலக்கத்தை  அதிகரிப்பதன் மூலமும், வேலைகளை உருவாக்குவதன் மூலமும், அதன் வழியான பண பட்டுவாடாவும் நுகர்வு  புழக்கமும் பொருளாதாரத்தில் இயக்க தன்மையை அதிகரிக்கும்  என்று கூறினார்.

ஆனால், அதே வேளையில் பட்ஜெட் கசிவுகளுக்கு தீர்வு காணப்பட வில்லை என்று அவர் குற்றம் சாட்டினார். “அரசாங்கம் லஞ்சம் ஊழலிருந்து விடுபடாவிட்டால் இந்த அதிகப்படியான பட்ஜெட் தகுந்த தரமான நாட்டின் மேம்பாட்டுக்கு வித்திடாது” என்றார்.

“பலவீனமான ரிங்கிட் காரணமாக விலைகள் உயர்ந்து வருகின்றன, மேலும் B40 இன் வருமான வறுமைக் கோடு உணவுக்காக ரிம1,169 ஆக நிர்ணயிக்கப்பட்டுள்ளது, இரு மிகவும் குறைவானது “என்று அவர் விளக்கினார்.

உணவு வறுமைக் கோட்டு வருமானத்திற்கான தகுதித் தேவைகளை ரிம1,169 ஆக விரிவுபடுத்துவதற்கான தனது 2022 வரவுசெலவுத் திட்ட வாக்குறுதியை நிறைவேற்ற முடிந்ததாக நிதி அமைச்சர் தெங்கு ஜாஃப்ருல் அப்துல் அஜீஸ் வெள்ளிக்கிழமை அறிவித்தார்.

450,000 க்கும் மேற்பட்ட குடும்பங்கள் மாதாந்திர நலத்திட்ட உதவிகளைப் பெறத் தகுதி பெற்றுள்ளதாக அவர் தனது வரவு செலவுத் திட்டத்தில் தெரிவித்தார்.

இதற்காக 2023 ஆம் ஆண்டில் ரிம2.5 பில்லியன் ஒதுக்கீட்டை ஜாஃப்ருல் அறிவித்தார். 2020 ஆம் ஆண்டில் ரிம1.5 பில்லியன் ஒதுக்கீட்டிலிருந்து கணிசமான அதிகரிப்பு.

இதற்கிடையில் ஆறுமுகம் மித்ராவின் கீழ் ரிம100 மில்லியன் ஒதுக்கீடும், இந்திய தொழில் முனைவோருக்காக ஒதுக்கப்பட்ட மற்றொரு ரிம25,000 ஒதுக்கீடும் போதுமானதாக இல்லை என்றும் வெறும் சமாதானப் பணி என்றும் கருதுவதாக அறிவித்தார்.

இந்த ஒதுக்கீடு சமூகம், பாலர் பள்ளிகள், இளைஞர்கள் மற்றும் தன்னார்வத் தொண்டு நிறுவன திட்டங்களுக்கு ஆதரவளிக்கும் என்பதால், அதை ரிம200 மில்லியனாக உயர்த்தி மித்ராவின் கீழ் வைக்க வேண்டும் என்று அவர் கூறினார்.