PKR தலைவர் அன்வார் இப்ராஹிம் தனது சொத்து பிரகடனத்தை வெளியிட்டார்.

இன்று கட்சி வேட்பாளர்களின் இணையதளத்தில் பதிவேற்றம் செய்யப்பட்ட அறிவிப்பில், தம்புன் வேட்பாளரான அன்வார்,  RM11.18 மில்லியன் நிகர சொத்து என அறிவித்தார்.

இன்று குறிப்பிடப்பட்டுள்ள அவரது பிரகடனத்தில், அவர் ரிம 828,667.83 ரொக்கச் சொத்துக்களாகவும், ரிம10.35 மில்லியன் ரியல் எஸ்டேட் சொத்துக்களாகவும் அறிவித்தார்.

ரியல் எஸ்டேட் சொத்துக்களில் கோலாலம்பூரில் உள்ள செகம்பூட் டாலாமில் (Segambut Dalam), உள்ள ஒரு வீடும் அடங்கும், இது ரிம9 மில்லியன் மதிப்புடையது.

இது 2005ல் புக்கிட் டாமன்சாராவில் ஒரு சொத்தை விற்றதிலிருந்து கிடைத்த வருமானத்திலிருந்து பெறப்பட்ட பணமாக ரிம4 மில்லியன் ரொக்கமாக வாங்கப்பட்டது.

புக்கிட் டமன்சாரா வீட்டை விற்ற பணமும் போர்ட் டிக்சனில் உள்ள நிலத்திற்குச் செலுத்தப்பட்டது, அதை அவர் RM1 மில்லியன் பணத்திற்கு வாங்கினார்.

அதுமட்டுமின்றி, அன்வாரின் சொந்த ஊரான பினாங்கில் 2014 இல் அவர் பெற்ற நிலமும், இந்த ஆண்டு அவர் வாங்கிய RM300,000 மதிப்புள்ள பென்டாங், பகாங்கில் மற்றொரு நிலமும் உள்ளது.

75 வயதான அவர் தனது ஊழியர் வருங்கால வைப்பு நிதியைக் காலி செய்துவிட்டதாகவும், பணம் மற்றும் ரியல் எஸ்டேட் தவிர வேறு எந்தச் சொத்துக்களும் இல்லை என்றும் தெரிகிறது.

அவருக்கு மாதாந்திர செலவுகள் அல்லது நிதிப் பொறுப்புகள் எதுவும் இல்லை, வாகனங்கள், நகைகள் மற்றும் முதலீடுகள் எதுவும் அவருக்கு இல்லை, மேலும் ஒரு மாதத்திற்கு RM21,755.69 அவரது MP உதவித்தொகை மட்டுமே உள்ளது.

இதற்கிடையில், வான் அசிசா மற்றும் சைபுதீனின் சொத்து விவரங்கள் இன்னும் இணையதளத்தில் நிலுவையில் உள்ளன.

வான் அஜிசா பண்டார்  துன் ரசாக் (Tun Razak) தொகுதியிலும், சைஃபுதீன் கூலிம் பண்டார் பாரு(Bandar Baharu) தொகுதியிலும் போட்டியிடுகின்றனர்.