அம்னோ உலமா கவுன்சில் நிர்வாகச் செயலாளர் முகமட் கைருடின் அமான் ரசாலி(Mohd Khairuddin Aman Razali) துணைப் பிரதமர் அஹ்மட் ஜாஹிட் ஹமிடியின் மத ஆலோசகராக நியமிக்கப்பட்டுள்ளார்.
துணைப் பிரதமர் அலுவலக வட்டாரங்களின்படி, கைருடின் இந்தப் பதவியை வகிக்கச் சார்பு அடிப்படையில் நியமிக்கப்பட்டார், அவருக்குச் சம்பளம் வழங்கப்படாது.
“அவர் சம்பளம் இல்லாமல் ஒரு மத ஆலோசகராகப் பணியாற்றுகிறார்,” என்று அந்த வட்டாரம் தெரிவித்துள்ளது.
கைருடின் (மேலே) ஒரு முன்னாள் பெருந்தோட்டக் கைத்தொழில் அமைச்சரும் பாஸ் கட்சியின் முன்னாள் கோலா நெரஸ்(Kuala Nerus) நாடாளுமன்ற உறுப்பினரும் ஆவார்.
2011 ஆம் ஆண்டில் Universiti Kebangsaan Malaysia இல் இஸ்லாமிய ஆய்வுகளில் முனைவர் பட்டம் பெற்றார்.
அதற்கு முன்பு, அவர் ஜோர்டான் பல்கலைக்கழகத்தில் அரபு மொழி மற்றும் இலக்கியத்தில் படித்தார், பின்னர் 2000 ஆம் ஆண்டில் ஜோர்டானின் மஃப்ராக்கில்(Mafraq, Jordan) உள்ள Aal al-Bayt பல்கலைக்கழகத்தில் அதே துறையில் முதுகலைப் பட்டம் பெற்றார்.
15வது பொதுத் தேர்தலில், கைருடின் பாஸ் கட்சியிலிருந்து வெளியேறுவதாக அறிவித்தபின்னர் BN வேட்பாளராகக் கோலா நெருஸ் நாடாளுமன்றத் தொகுதியைப் பாதுகாக்க முயன்றார், ஆனால் போட்டியில் தோல்வியடைந்தார்.
