கடந்த இரண்டு தசாப்தங்களாக, சிட்டி ஜபிதா முகமது ரஸீத் தனது மகன் ரஸாலியை மரண தண்டனையிலிருந்து காப்பாற்ற ஒரு அதிசயத்தை எதிர்பார்த்துக் கொண்டிருந்தார்.

23 ஆண்டுகளுக்கு முன்பு 851 கிராம் கஞ்சாவுடன் பிடிபட்டபோது போதைப்பொருள் தொடர்பான நாட்டின் கடுமையான சட்டங்களை மீறியதற்காக அவருக்கு மரண தண்டனை விதிக்கப்பட்டது.

ஆனால் இந்த வாரம் கட்டாய மரண தண்டனையை ரத்து செய்வதற்கான கடுமையான சட்ட சீர்திருத்தங்களை நாடாளுமன்றம் நிறைவேற்றியபோது சிட்டி ஜபிதாவின் பிரார்த்தனைகளுக்குப் பதில் கிடைத்தது.

சிலாங்கூர், கோம்பாக்கில் உள்ள தனது குடியிருப்பிலிருந்து பேசிய சிட்டி ஜபிதா (மேலே) கண்ணீர் மல்கக் கூறினார்.

தனது நண்பர் ஒருவர் போதைப்பொருளை எடுத்துச் செல்லுமாறு கட்டாயப்படுத்தியதாகவும், பின்னர் கைது செய்யப்பட்ட பின்னர் தன்னை பலிகடா ஆக்கியதாகவும் தனது மகன் தன்னிடம் கூறியதாக அவர் கூறினார்.

தண்டனையை எதிர்த்து மேல்முறையீடு செய்யக் குடும்பத்தினர் மேற்கொண்ட முயற்சியை நீதிபதி நிராகரித்தார்.

நீதிபதியின் தீர்ப்பைக் கேட்டதும், தனது மகனுக்கான சட்ட வழிகள் மூடப்பட்டுவிடுமோ என்ற அச்சத்தில் தான் எப்படி மயங்கி விழுந்தேன் என்பதை அவர் விவரித்தார்.

“நான் கணவர் இல்லாமல் வாழ முடியும், ஆனால் என் குழந்தைகள் இல்லாமல் வாழ முடியாது இல்லை,” என்று அவர் கூறினார்.

மலேசியாவில் மரண தண்டனை அல்லது ஆயுள் தண்டனையை எதிர்கொள்ளும் 1,300 க்கும் மேற்பட்டவர்கள் – அனைத்து சட்ட மேல்முறையீடுகளையும் முடித்தவர்கள் உட்பட – திங்களன்று நிறைவேற்றப்பட்ட புதிய விதிகளின் கீழ் தண்டனை மறுஆய்வு கோரலாம்.

கொலை மற்றும் போதைப்பொருள் கடத்தல் உட்பட தற்போது மரண தண்டனை விதிக்கக்கூடிய 34 குற்றங்களுக்கு இந்தத் திருத்தங்கள் பொருந்தும். அவர்களில் பதினொரு பேர் மரணத்தைக் கட்டாய தண்டனையாக நிர்ணயித்துள்ளனர்.

தற்போதைக்கு, 30 ஆண்டுகள் என்று சட்டத்தால் வரையறுக்கப்பட்ட ஆயுள் தண்டனைகள் தக்கவைக்கப்படும்.

புதிய விதிகளின் கீழ் மரண தண்டனைக்கு மாற்றாகப் பிரம்படி மற்றும் 40 ஆண்டுகள்வரை சிறைத்தண்டனை ஆகியவை அடங்கும்.

சிட்டி ஜபிதா தனது மகனுக்கு என்ன நடந்தாலும் துணை நிற்பேன், நான் உயிரோடு இருக்கும் வரை அவருக்குப் பலம் கொடுப்பேன் என்றார்.