ஜொகூர் ஆட்சியாளர் சுல்தான் இப்ராஹிம் சுல்தான் இஸ்கந்தாரை முகநூலில் அவமதித்த குற்றச்சாட்டின் பேரில் நேற்று கைது செய்யப்பட்ட நபர் இன்று முதல் நான்கு நாட்களுக்கு விளக்கமறியலில் வைக்கப்பட்டுள்ளார்.

குற்றவியல் சட்டத்தின் 117வது பிரிவின் கீழ் 35 வயதான சந்தேக நபர் வெள்ளிக்கிழமை வரை விளக்கமறியலில் வைக்கப்பட்டுள்ளார் என்று புக்கிட் அமான் காவல்துறை செயலாளர் நூர்சியா முகமட் சாதுடின் தெரிவித்தார்.

“இந்த வழக்கை, புக்கிட் அமான் குற்றப் புலனாய்வுத் துறை, D5  பிரிவு, வகைப்படுத்தப்பட்ட குற்றப் புலனாய்வுப் பிரிவு கையாளுகிறது,” என்று அவர் இன்று ஒரு அறிக்கையில் தெரிவித்தார்.

நேற்று, சிலாங்கூரில் உள்ள புச்சோங்கில் உள்ள ஒரு வீட்டில் அந்த நபரைப் போலீசார் கைது செய்தனர், மேலும் சாம்சங் மொபைல் ஃபோன் மற்றும் சிவப்பு சிம் கார்டையும் கைப்பற்றினர்

நூர்சியா நேற்று ஒரு அறிக்கையில், அந்த நபர் கடந்த வியாழன் அன்று “Indera Mulia” என்ற முகநூல் கணக்கின் கீழ் அவதூறான இடுகையைப் பதிவேற்றியிருக்கலாம் என்று சந்தேகிக்கப்படுகிறது.

ஒரு ஆட்சியாளர் அல்லது அரசாங்கத்திற்கு எதிராக வெறுப்பு அல்லது அவமதிப்பு உணர்வுகளைத் தூண்டியதற்காகத் தேசத்துரோகச் சட்டம் 1948 இன் பிரிவு 4(1) மற்றும் நெட்வொர்க் வசதிகள் அல்லது சேவைகளை முறையற்ற முறையில் பயன்படுத்தியதற்காகத் தகவல் தொடர்பு மற்றும் மல்டிமீடியா சட்டம் 1998 இன் பிரிவு 233 இன் கீழ் வழக்கு விசாரிக்கப்படுகிறது.