செகாம்பட் நாடாளுமன்ற உறுப்பினர் ஹன்னா யோஹ்(Hannah Yeoh) கோலாலம்பூர் நகர மண்டபத்திற்கு (DBKL) அதன்  நிலச்சரிவு பிரச்சினைகளை மிகவும் திறம்பட கையாள நிபுணத்துவம் வாய்ந்த பணியாளர்களைக் கொண்டுள்ளது என்பதை உறுதிப்படுத்த சிவில் பொறியியல் மற்றும் வடிகால் துறைக்கு அதிகாரம் அளிக்குமாறு அழைப்பு விடுத்துள்ளார்.

மண் அரிப்பு சம்பவங்கள் தொடர்பான அறிக்கைகள் மற்றும் புகார்கள் தீவிரமாக விசாரிக்கப்படுவதை உறுதி செய்யுமாறு அவர் DBKL-ஐ வலியுறுத்தினார்.

பல நிலச்சரிவு சம்பவங்களால் பாதிக்கப்பட்ட செகாம்பட் நாடாளுமன்றத் தொகுதியில் கடந்த ஆண்டுப் போக்கு அடிப்படையில் இது முக்கியமானது என்று யோஹ் கூறினார்.

“நிலச்சரிவுகளுக்குப் பொறுப்பான டிபிகேஎல்லின் சிவில் பொறியியல் மற்றும் வடிகால் துறையை வலுப்படுத்துமாறு கோலாலம்பூர் மேயரிடம் (Kamarulzaman Mat Salleh) நான் கேட்டுள்ளேன், ஏனெனில் பல சம்பவங்கள உள்ளன… இந்தச் சம்பவத்தைக் கையாள போதுமான மனித வளங்கள் இல்லாமல் போகலாம்,”என்று அவர் கூறினார்.

கோலாலம்பூரில் உள்ள  பெர்சியரான் துவாங்கு சையத் சிராஜுதினில் உள்ள மலேசிய ஊழல் தடுப்பு அகாடமி (MACA) முன் நிலச்சரிவு ஏற்பட்ட இடத்தை இன்று ஆய்வு செய்தபின்னர் இளைஞர் மற்றும் விளையாட்டு அமைச்சர் யோஹ் இதைக் கூறினார்.

செகாம்பட் மற்றும் லெம்பா பந்தாய் நாடாளுமன்றப் பகுதிகளில் உள்ள பல மலைப் பகுதிகளில் நிலச்சரிவுகள் ஏற்பட்டதாக நம்பப்படுகிறது என்று அவர் கூறினார்.

“செகாம்பட் நாடாளுமன்றப் பகுதியைச் சுற்றி 100 க்கும் மேற்பட்ட நிலச்சரிவு சம்பவங்கள் பதிவாகியுள்ளதாக நான் அறிகிறேன்”.

“கோலாலம்பூரில் உள்ள சரிவுப் பிரிவுக்கு உதவ எங்களுக்கு இன்னும் பல சரிவு வல்லுநர்கள் தேவை என்பதையும் நான் புரிந்துகொள்கிறேன்,” என்று அவர் கூறினார்.

இது தவிர, தடயவியல் விசாரணைகள் நடந்து வருவதாகவும், தொடர்புடைய நிறுவனங்களிடையே நல்ல ஒத்துழைப்பு இருப்பதாகவும் யோஹ் கூறினார்.

பிற்பகல் 1.30 மணியளவில் அதன் பிரதான நுழைவாயிலில் ஏற்பட்ட நிலச்சரிவைத் தொடர்ந்து எம்.ஏ.சி.ஏ நேற்று முழு அகாடமி பகுதியையும் காலி செய்து 45 நபர்களைப் பாதுகாப்பான இடங்களுக்கு நகர்த்தியது.

இதைத் தொடர்ந்து, மலேசிய ஊழல் தடுப்பு ஆணையம் (எம்ஏசிசி) ஒரு அறிக்கையில், சம்பந்தப்பட்ட நபர்கள், 22 அதிகாரிகள், 16 துப்புரவுப் பணியாளர்கள் மற்றும் அதிகாரிகளின் குடும்ப உறுப்பினர்கள் உட்பட குடியிருப்பில் இருந்த ஏழு பேர் எம்.ஏ.சி.ஏ கட்டிடத்திலிருந்து பாதுகாப்பான பகுதிக்குப் பாதுகாப்பாக மாற்றப்பட்டதாகத் தெரிவித்தது.