லபுவானில் உள்ள கம்போங் லயாங்கானில் நேற்றிரவு பெரோடுவா கான்சில் கார் பள்ளத்தாக்கில் கவிழ்ந்ததில் 48 வயதான தந்தை கொல்லப்பட்டார், அவரது இரண்டு மகள்கள் காயமடைந்தனர்.

வெள்ளிக்கிழமை (ஜூன் 2) இரவு 8 மணி நடந்த விபத்தில் அப்துல் ரஷீத் பஹாரி சம்பவ இடத்திலேயே இறந்துவிட்டதாகவும், அவரது எட்டு வயது மகள் நூர் அகீஷா மற்றும் நோர் இசா பத்ரிசியா (10) ஆகியோர் காயமடைந்ததாகவும் அறிவிக்கப்பட்டது.

இரவு 8.26 மணிக்கு விபத்துகுறித்து தங்களுக்கு அழைப்பு வந்ததாகவும், ஒரு குழு விரைவாக நிறுத்தப்பட்டதாகவும் லயாங்கான் தீயணைப்பு நிலையத் தலைவர் ஹுசிமான் மாலிக்கின் கூறினார்.

காரின் முன்பகுதி கடுமையாகச் சேதமடைந்ததால் இறந்தவரை வாகனத்திலிருந்து வெளியேற்றத் தீயணைப்பு வீரர்கள் சிரமப்பட்டனர் என்று அவர் கூறினார்.

மேல் நடவடிக்கைக்காகச் சடலத்தைப் போலீசாரிடம் ஒப்படைத்தோம் என்றார்.